Ulttyq bank zeınetaqy jınaǵyna qatysty keńes berdi

ASTANA. KAZINFORM – QR Ulttyq banki tóraǵasynyń orynbasary Berik Sholpanqulov BJZQ-dan jınaqty almaý abzal ekenin aıtty.

- Ulttyq bank retinde jınaqtan qarajattyń barynsha az alynǵanyn qalaımyz. Bul aktıvterdiń maqsaty - bolashaqta adamdar zeınetke shyqqan kezde, zeınetaqy tólemderin qamtamasyz etý.

Adamdar artyq qarajatty (jetkiliktilik sheginen asqan) merziminen buryn alǵan kezde, jınaqtaǵy soma azaıady. Sondyqtan adamdardyń zeınetaqysy jetkilikti bolýy úshin bul qarajattyń qomaqty somada saqtalýyna múddelimiz, - dedi B. Sholpanqulov Senattyń jalpy otyrysynan keıin tilshiler suraǵyna jaýap bere otyryp.

Aıta keteıik, BJZQ zeınetaqy jınaǵynyń eń tómengi jetkiliktilik shegin 10 paıyz kóterdi. 

Sonymen qatar budan bylaı zeınetaqy jınaǵyna plastıkalyq operatsııa jasaýǵa tyıym salyndy. 

Eske salsaq, bıyl kúzde «Otbasy bank» pen Densaýlyq saqtaý mınıstrligi biryńǵaı jınaqtaýshy zeınetaqy qorynan azamattardyń jınaǵynyń bir bóligin tis emdeýge alýǵa shekteý qoıýǵa sheshim shyǵarǵan.