Ulttyq bank zeınetaqy qoryndaǵy qarajatqa qatysty málimdeme jasady
ASTANA. KAZINFORM – Úkimet otyrysynda Ulttyq bank tóraǵasynyń birinshi orynbasary Erulan Jamaýbaev zeınetaqy aktıvteri jóninde málimdedi.
– Biryńǵaı jınaqtaýshy zeınetaqy qorynyń aktıvteri jyl basynan beri 26,6 trln teńgege deıin 6,1%-ǵa ulǵaıdy. Zeınetaqy jarnalary – 2,2 trln teńge, ınvestıtsııalyq kiris kólemi 9 aıda 766,3 mlrd teńgege jetti, – dedi ol.
Sonymen birge, zeınetaqy qarajatynan 490 mlrd teńge merziminen buryn alyndy.
– Onyń negizgi bóligi, ıaǵnı 404 mlrd teńgege jýyǵy 2026 jyldyń 1-shi jarty jylyna nemese zeınetaqy jınaqtarynyń eń tómengi jetkiliktilik shekteri kóterilgenge deıingi kezeńge tıesili, – dedi QR UB tóraǵasynyń birinshi orynbasary.
Odan bólek, Erulan Jamaýbaev depozıtter kólemine de toqtaldy.
– Depozıtterdiń kólemi tamyzdyń sońynda 50,2 trln teńgege deıin 17,2%-ǵa ulǵaıdy. Ósimge negizgi úles qosqan ulttyq valıýtadaǵy depozıtter 41,0 trln teńgege deıin 23%-ǵa artqan. Bul júrgizilip jatqan aqsha-kredıt saıasatynyń aıasynda teńgemen qarajat jınaqtaýdyń tıimdiligin kórsetedi. Depozıtterdiń dollarlaný deńgeıi tarıhı tómen mánde qalyptasty, – dedi ol.
Aıta keteıik, buǵan deıin Úkimet otyrysynda Saýda jáne ıntegratsııa mınıstri Arman Shaqqalıev elimizde saýda kólemi 61 trln teńgege jetkenin málimdegen edi.
