Ulttyq bank Ulttyq qordan satylǵan valıýta kólemin atady

ASTANA. KAZINFORM –  Qańtar aıynyń qorytyndysy boıynsha teńge baǵamy 1 AQSh dollary úshin 501,24 teńgege deıin 0,9%-ǵa nyǵaıdy. Bul týraly Ulttyq banktiń baspasóz qyzmeti habarlady. 

Qazaqstan qor bırjasyndaǵy saýda-sattyqtyń ortasha bir kúndik kólemi bir aıda 359 mln AQSh dollarynan 306 mln AQSh dollaryna deıin tómendedi. Saýda-sattyqtyń jalpy kólemi 5,8 mlrd AQSh dollary boldy.

Qańtar aıynda Ulttyq qordan 350 mln AQSh dollarynda valıýta satyldy, bul respýblıkalyq bıýdjetke transfert bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 6%-y boldy nemese ol – kúnine 18,5 mln AQSh dollarynan aspaıtyn mólsher.

Kútiletin fıskaldyq túsimderdi eskergende, Úkimettiń aldyn ala boljamdy ótinimderi boıynsha aqpan aıynda respýblıkalyq bıýdjetke transfert bólýge Ulttyq bank Ulttyq qordan 350 mln AQSh dollarynan 450 mln AQSh dollaryna deıingi mólsherde valıýta satylady dep boljaıdy.

Qańtar aıynda aınalaý operatsııasy aıasynda 350 mlrd teńge alyndy. Aqpannyń ishinde osy maqsatta 350 mlrd teńge balamasynda valıýta satý kútiledi.

Ulttyq qor qarajatymen operatsııalar júrgizý kezinde, sondaı-aq aınalaý tetigin iske asyrý kezinde Ulttyq bank naryqtyń beıtarap qaǵıdatyn saqtaıdy, bul shetel valıýtasyn turaqty jáne birkelki satýdy bildiredi.

Ulttyq bank qańtarda valıýtalyq ınterventsııalar júrgizgen joq.

Ótken aıdyń qorytyndysy boıynsha kvazımemlekettik sektor sýbektilerinde valıýtalyq túsiminiń bir bóligin mindetti satý normasy aıasynda valıýta túsimin satý kólemi shamamen 206 mln AQSh dollar boldy.

Osyǵan deıingi josparǵa sáıkes, BJZQ valıýtalyq aktıvterdiń úlesi 40%-dan asatynyn ekenin eskergende, Ulttyq bank qańtar aıynda zeınetaqy aktıvteriniń ınvestıtsııalyq portfeline AQSh dollaryn satyp almady. Aqpanda da valıýta satyp alýǵa qatysty jospar joq.

Ashyqtyq qaǵıdaty aıasynda Ulttyq bank valıýta naryǵynda júrgiziletin operatsııalar týraly aqparatty tolyq ashyp kórsetýdi jalǵastyrady.

Qysqamerzimdi keleshekte teńgeniń dınamıkasy naryqqa qatysýshylardyń kútýlerine, toqsandyq salyq tólemderine, álemdik naryqtardaǵy ahýalǵa jáne geosaıası jaǵdaıdyń ózgerýine baılanysty bolady. Ulttyq bank teńgerimsizdiktiń jınaqtalýyna jol bermeıtin jáne altyn-valıýta rezervteriniń saqtalýyn qamtamasyz etetin qolaıly baǵam belgileý rejımin ustana beredi. 

Aıta ketelik Ulttyq bank bazalyq mólsherlemeni 18% deńgeıinde qaldyrǵan edi.