Ulttyq bank tutynýshylyq kredıtteýdi tejeý sharalaryna basa nazar aýdarady
ASTANA. KAZINFORM – Ulttyq bank saralanǵan makroekonomıkalyq jáne aqsha-kredıt saıasatyn júrgizýdi jalǵastyrady. Bul týraly Úkimet otyrysynda Ulttyq bank tóraǵasynyń birinshi orynbasary Erulan Jamaýbaev aıtty.
- Ulttyq bank Birlesken is-qımyl baǵdarlamasynda kózdelgen sharalardy iske asyrýdy qosa alǵanda, saralanǵan makroekonomıkalyq jáne aqsha-kredıt saıasatyn júrgizýdi jalǵastyrady, - dedi ol.
Osy oraıda UB tóraǵasynyń birinshi orynbasary mynadaı basym baǵyttarǵa nazar aýdarylatynyn aıtty:
ınflıatsııalyq qysymdy tejeý maqsatynda qajetti aqsha-kredıt sharttaryn qoldaý;
qosymsha emıssııaǵa jol bermeı, altyndy satyp alýǵa baılanysty teńestirýge baǵyttalǵan operatsııalardy júrgizý;
eń tómen rezervtik talaptardyń normatıvterin kezeń-kezeńimen arttyrýdy iske asyrý arqyly bank júıesindegi artyq ótimdilikti tómendetý;
tsıfrlyq teńgeni bıýdjet shyǵystarynyń aıqyn jáne ataýly bolýyn arttyrý quraly retinde paıdalanýdy keńeıtý;
tutynýshylyq kredıtteýdi tejeý sharalary;
Ulttyq qor men Biryńǵaı jınaqtaýshy zeınetaqy qorynyń kiristiligin arttyrý.
- Atalǵan sharalar jalpy makroekonomıkalyq jáne qarjylyq turaqty qamtamasyz etýge múmkindik beredi, - dedi Erulan Jamaýbaev.
Buǵan deıin Erulan Jamaýbaev teńge baǵamynyń nyǵaıýyna yqpal etken faktorlardy ataǵan edi.
