Ulttyq bank tsıfrlyq teńgeni shyǵarý jáne aınalymǵa engizý qaǵıdalaryn bekitti
ASTANA. KAZINFORM — Atalǵan qujat tsıfrlyq teńgeniń shyǵarýdan bastap tsıfrlyq shottardy ashý, júrgizý jáne jabýǵa deıingi tártipti, sondaı-aq platforma qatysýshylaryna qoıylatyn talaptar men aqparattyq qaýipsizdik dengeıin aıqyndaıdy.
Qaǵıdalarǵa sáıkes, Ulttyq bank tsıfrlyq teńge platformasynyń operatory bolyp tabylady jáne platforma qatysýshylary engizgen qarajat kólemi sheginde tsıfrlyq valıýtany aınalymǵa shyǵarady. Sonymen qatar tsıfrlyq teńge emıssııasy qarajat qatysýshynyń tsıfrlyq shotyna eseptelgen sátten júzege asyryldy dep esepteledi.
Aıta ketý kerek, tsıfrlyq teńgeniń aınalymy ulttyq valıýtadaǵy arnaıy platformada ǵana júzege asyrylady. Sonymen qatar tehnıkalyq talaptar saqtalǵan jaǵdaıda tsıfrlyq qarajatty syrtqy elektrondyq tasymaldaǵyshtarda saqtaýǵa ruqsat etiledi.
Sondaı-aq tsıfrlyq teńgeni óteý keri operatsııa arqyly júrgiziledi oǵan sáıkes balamaly aqsha somasy qatysýshylardyń Ulttyq banktegi korrespondenttik shottaryna aýdarylady.
Qaǵıdalarda birqatar shekteýler de qarastyrylǵan. Atap aıtqanda, bir paıdalanýshyǵa tek bir ǵana tsıfrlyq shot ashýǵa bolady, sondaı-aq jınaqtaýshy tsıfrlyq shottardy ashýǵa jol berilmeıdi.
Budan bólek, platforma qatysýshylary operatorǵa paıdalanýshylar sany men tsıfrlyq teńge qaldyqtarynyń kólemi týraly derekterdi qosa alǵanda, eseptilikti usynýǵa mindetti.
Qujat bıyl 19 shildeden bastap qoldanysqa engiziledi.
Buǵan deıin Qazaqstan Respýblıkasynyń Ulttyq banki teńgeniń shetel valıýtalaryna qatysty resmı baǵamyn aıqyndaý qaǵıdalaryna ózgerister jobasyn «Ashyq NQA» portalyna jarııalaǵan edi.
