Ulttyq bank tsıfrlyq teńgeni retteý qaǵıdalarynyń jobasyn jarııalady
ASTANA. KAZINFORM — Tsıfrlyq teńgelerdi shyǵarý, aınalysqa jiberý jáne óteý qaǵıdalaryn bekitý týraly Ulttyq bank basqarmasynyń qaýlysy «Ashyq NQA» portalynda 19 aqpanǵa deıin jarııa talqylaýǵa shyǵaryldy.
Atalǵan joba «Qazaqstan Respýblıkasynyń keıbir zańnamalyq aktilerine qarjy naryǵyn retteý jáne damytý, baılanys jáne bankrottyq máseleleri boıynsha ózgerister men tolyqtyrýlar engizý týraly» 2026 jylǵy 16 qańtardaǵy zańdy iske asyrý maqsatynda ázirlengen.
— Tsıfrlyq teńgeni shyǵarý, aınalysqa jiberý jáne óteý qaǵıdalary bekitiledi. Sonymen qatar joba tsıfrlyq shottardy ashý, júrgizý jáne jabý tártibin, tsıfrlyq teńgeni tańbalaý men smart-kelisimsharttardy qoldaný tetikterin, sondaı-aq qatysýshylarǵa qoıylatyn talaptar men olardyń tsıfrlyq teńge platformasynda ózara is-qımyl jasaý tártibin aıqyndaýdy kózdeıdi, — delingen qujatta.
Buǵan deıin Sáýirde memlekettik shyǵyndy tsıfrlyq teńgege kóshirýdiń jospary bekitiletinin jazǵanbyz.