Ulttyq bank: Teńge jyl basynan beri 5,1%-ǵa nyǵaıdy
ASTANA. KAZINFORM – 2026 jyldyń alǵashqy jartyjyldyǵynda teńge AQSh dollaryna qarasty 5,1%-ǵa nyǵaıdy. Bul týraly Ulttyq bank tóraǵasy Tımýr Súleımenov Úkimet otyrysynda málimdedi.
Onyń aıtýynsha, ulttyq valıýtanyń nyǵaıýyna birneshe negizgi faktor áser etken.
- Buǵan qalypty qatań aqsha-nesıe saıasaty, beırezıdentter tarapynan memlekettik baǵaly qaǵazdarǵa joǵary suranys, Úkimet pen Ulttyq Banktiń birlesken sharalary jáne qolaıly syrtqy konıýnktýra yqpal etti, - dedi ol.
Ulttyq bank tóraǵasynyń málimetinshe, alǵashqy jartyjyldyqta Ulttyq qordan bırjalyq naryqqa 2,2 mlrd AQSh dollary kóleminde shetel valıýtasy satylǵan. Sonymen qatar, ótimdilikti teńestirý aıasynda aınalymnan alynǵan qarajattyń jalpy kólemi 2,1 trln teńgege jetken.
Sondaı-aq ol úshinshi toqsanda naryqtan qosymsha 1,1 trln teńge kóleminde ótimdilikti alý josparlanyp otyrǵanyn aıtty.
Buǵan deıin Tımýr Súleımenov dollar baǵamynyń ósý yqtımaldyǵyna qatysty pikir bildirgen bolatyn.
https://kaz.inform.kz/news/dollar-bagami-ose-me-ulttik-bank-toragasi-zhauap-berd-588837d0
