Ulttyq bank teńge baǵamyn qoldaý úshin Ulttyq qordan 7,5 mlrd dollar satqan

Qazan aıynda teńgeni qoldaý úshin Ulttyq qordan 1,5 mlrd dollar satylǵan. Bul týraly Ulttyq bank tóraǵasynyń orynbasary Danııar Vagapov Úkimet otyrysynda aıtty, dep habarlaıdy Kazinform agenttigi.

«Ulttyq qordan respýblıkalyq bıýdjetke transfertti qamtamasyz etý aıasynda valıýta satý teńgege qoldaý kórsetti. Jyl basynan beri 7,5 mlrd AQSh dollary satyldy. Qazan aıynda 1,5 mlrd dollar boldy. Ulttyq bank erkin baǵam belgileý rejımin ustana beredi jáne valıýtalyq ınterventsııalar júrgizbeıdi», - D. Vagapov.

Ulttyq bank basshysynyń orynbasary qazan aıynyń sońynda eldiń halyqaralyq rezervi 90,3 mlrd dollar bolǵanyn aıtty.

«Ulttyq banktiń altyn-valıýta rezervteri jyl basynan beri 34,0 mlrd AQSh dollaryna deıin, ıaǵnı, 3,1% tómendedi. Bul Ulttyq banktiń valıýtalyq shottaryndaǵy ekinshi deńgeıli bankter qarajatynyń azaıýyna baılanysty. Oǵan Qarjy mınıstrliginiń mindettemelerin tóleý maqsatynda altyn-valıýta rezervterin konvertatsııalaý da sebep boldy», - dedi Danııar Vagapov.