Ulttyq Bank Rahymjan Qoshqarbaev pen Kemel Aqyshevtyń 100 jyldyǵyna arnalǵan monetalardy aınalymǵa shyǵarady
ASTANA. KAZINFORM – Ulttyq Bank Rahymjan Qoshqarbaev pen Kemel Aqyshevtyń 100 jyldyǵyna arnalǵan kollektsııalyq monetalardy aınalysqa shyǵaratynyn málimdedi.
«Este qalatyn oqıǵalar men birtýar adamdar» monetalar serııasynan RAQYMJAN QOSHQARBAEV.100 JYL jáne KEMEL AQYSHEV. 100 JYL kollektsııalyq monetalaryn aınalysqa shyǵarady.
Monetalar 2024 jylǵy 28 tamyzdan bastapQUB-tyń kazcoins.nationalbank.kz ınternet-dúkeni arqyly satylady.
RAQYMJAN QOSHQARBAEV. 100 JYL kollektsııalyq monetalary týraly
2024 jyly Qazaqstannyń Halyq qaharmany, Uly Otan soǵysynyń batyry Rahymjan Qoshqarbaevtyń týǵanyna 100 jyl tolady.
Rahymjan Qoshqarbaev 1945 jyly 30 sáýirde Berlındi alý kezinde Reıhstagqa qyzyl tý tikken Qyzyl Armııanyń alǵashqy sarbazdarynyń biri boldy.
Monetalar melhıor qospasynan (MN 25) jasaldy, massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 200 teńgelik, taralymy – 5 000 (bes myń) dana.
KEMEL AQYSHEV. 100 JYL kollektsııalyq monetalary týraly
2024 jyly kórnekti arheolog jáne ǵalym Kemel Aqyshevtyń týǵanyna 100 jyl toldy. Onyń basshylyq etýimen Almaty qalasy mańyndaǵy Esik qorǵanyna arheologııalyq qazba jumystaryn júrgizý barysynda «Altyn adam» tabyldy.
Monetalar melhıor qospasynan (MN 25) jasaldy. Moneta massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 200 teńgelik, taralymy – 5 000 (bes myń) dana.
Kollektsııalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarýǵa, usaqtalýǵa jáne aıyrbastalýǵa jatady.
Kollektsııalyq monetalar Qazaqstan teńge saraıynda daıyndaldy.
Buǵan deıin Ulttyq bank Qanysh Sátbaevtyń 125 jyldyǵyna arnalǵan monetalardy aınalymǵa shyǵarǵan bolatyn.
