Ulttyq bank QR tólemderdiń biryńǵaı júıesi jóninde: tutynýshylarǵa tıimdi bolady
ASTANA. KAZINFORM — Ulttyq bank tóraǵasy Tımýr Súleımenov 19 shildeden bastap iske qosylatyn QR tólemderdiń biryńǵaı bankaralyq júıesine qatysty túsinik berdi.
- 19 shildede biryńǵaı QR-dy engizemiz dep josparladyq. Osy oraıda bankterdiń barlyǵy bul jańa júıege daıyndalyp jatyr. Biz júıeni engizip, jumys isteýin qamtamasyz etemiz. Máselen, úıdiń janyndaǵy shaǵyn dúkender tólem jasaýǵa arnalǵan bir banktiń esep aıyrysý mashınkasyn nemese birnesheýin qoıýdy ózderi sheshedi. Eń bastysy, biz byryńǵaı QR-dy iske qosamyz. Bul turǵyda bir QR-men barlyq júıede - Kaspi, Halyk jáne Forte-tede tóleýge bolady. Komıssııa máselesine toqtalsaq, biz úshin, ıaǵnı tutynýshylarǵa eshteńe ózgermeıdi. Bul komıssııany tutynýshylar tólemeıdi, - dedi T. Súleımenov Senattyń jalpy otyrysynan keıin tilshiler suraǵyna jaýap bere otyryp.
Onyń aıtýynsha, bul jańa júıe bıznes úshin de tıimdi bolmaq.
- Bızneske qosymsha júkteme bolmaıdy. Ol turaqty deńgeıde qalady, - dedi UB basshysy.
Buǵan deıin bıyl 19 shildeden bastap QR tólemderdiń biryńǵaı bankaralyq júıesi iske qosylatynyn jazǵan edik.
