Ulttyq bank nege halyqqa Ulttyq qordy basqarý kórsetkishteri týraly ashyq esep bermeı otyr

ASTANA. KAZINFORM — Ulttyq banktiń halyqaralyq arbıtrajdaǵy rezonansty isterge qatysýy Ulttyq qor týraly eseptiliktiń ashyqtyǵyna tosqaýyl bolyp kelgen. Bul týraly Ulttyq bank tóraǵasynyń orynbasary Erulan Jamaýbaev Májilistiń jalyp otyrysynda osyndaı málimet keltirdi. 

— Ulttyq qordyń basqarýdyń ashyqtyǵyn álemdik standart boıynsha júrgizbeıdi, — dep surady Májilis depýtaty Erlan Stambekov.

Ulttyq bank basshysynyń orynbasary munyń sebebin halyqaralyq arbıtrajdaǵy istermen baılanystyrdy.

— Ulttyq bank — bul qordyń senimgerlik basqarýshysy. Sondyqtan Ulttyq bank tarapynan búkil esep jyl saıyn Úkimetke berilip otyrady. Ol esepterdi qarjy mınıstrligi jınaqtap, Prezıdenttiń Jarlyǵymen bekitedi. Osydan keıin mindetti túrde jarııalanýǵa tıis. Degenmen de sońǵy jyldary bul aqparat tolyǵymen jarııalanǵan joq. Sebebi, ózderińiz bilesizder, halyqaralyq arbıtrajda rezonansty ister boldy. Bıyldan bastap, jaqyn arada Jarlyq shyǵady. Sodan keıin eseptilik tolyǵymen jarııalanady. Ol jerde siz aıtqan ınvestıtsııalyq kórsetkishter de, memleketter bólinisindegi málimetter, tabystylyq pen valıýtaǵa qatysty búkil aqparat bolady, — dedi ol.

Erurlan Jamaýbaev Ulttyq bank bul turǵydaǵy esepterin úshin aı saıyn jáne toqsan saıyn óz saıtynda jarııalaýdy josparlap otyrǵandaryn aıtty.

— Qazir osy eseptiliktiń formalary daıyndalyp jatyr. Syrtqy baqylaýǵa kelsek, Ulttyq qorǵa qatysty baqylaý óte erekshe. Ulttyq qordy basqarýǵa qatysty arnaıy keńes bar Osy qordyń qarajatynyń tıimdi ıgerilýin baqylaıtyn arnaıy komıssııa bar. Sondyqtan dál qazir arnaıy bir organnyń qurylýyn josparlap otyrǵan joqpyz, — dedi Ulttyq bank tóraǵasynyń orynbasary.

Eske salsaq, 2024 jyldyń aıaǵynda Ulttyq qor men Ádilet mınıstrligi birneshe jylǵa sozylǵan Statı isi Qazaqstannyń múddesine saı aıaqtalǵanyn málimdegen bolatyn. Statı isin retteý Ulttyq qorǵa qalaı áser etkeni týraly jazǵan edik.