Ulttyq bank munaı baǵasy boljamyn ózgertti
ASTANA. KAZINFORM – Ulttyq bank osy jylǵy munaı baǵasynyń boljamyn Taıaý Shyǵystaǵy ahýalǵa baılanysty kóterdi. Bul týraly UB tóraǵasy Tımýr Súleımenov aıtty.
Onyń málimetinshe, munaıdyń álemdik naryǵyndaǵy ahýal bulyńǵyr bolyp otyr. Bul rette Taıaý Shyǵysta ahýaldyń ýshyǵýyna baılanysty bıyl birinshi jartyjyldyqta munaı baǵasy ýaqytsha artýy múmkin.
- Munaı naryǵyndaǵy ahýal bulyńǵyr. 2026 jylǵa arnalǵan bazalyq stsenarııimizde munaı baǵasyna qatysty alǵyshart Taıaý Shyǵystaǵy naqty ahýaldy eskere otyryp, ótken boljammen salystyrǵanda arttyrý jaǵyna qaraı qaıta qaraldy. Bizdiń boljamymyzsha, Brent markaly munaıdyń ortasha baǵasy 66,3 dollardy quraıdy, - dedi ol Ulttyq bankte ótken brıfıngte.
UB tóraǵasy jyl ishinde munaı baǵasynyń birtindep tómendeıtinin, álemdik suranys pen usynystyń teńgerilimine qaraı bir barreline 60 dollar shamamasynda bolatynyn aıtady.
Esterińizge sala ketsek, Ulttyq bankiniń Aqsha-kredıt saıasaty komıteti bazalyq mólsherlemeni +/- 1 p. t. dálizimen jyldyq 18% deńgeıinde belgileý týraly sheshim qabyldady.
