Ulttyq bank menedjerleri 1,7 mlrd teńge syıaqy alǵany ras pa — Súleımenov jaýaby

ASTANA. KAZINFORM — Ulttyq bank tóraǵasy Tımýr Súleımenov bank top-menedjerleriniń 1,7 mlrd teńge kóleminde syıaqy alǵany týraly aqparatqa túsinikteme berdi. 

Búgin Ulttyq bankte ótken brıfıng barysynda BAQ ókilderi odan: «Ulttyq bank tóraǵasyna, dırektorlar keńesiniń múshelerine, top-menedjerlerge 1,7 mlrd teńge kóleminde syıaqy jazylǵany ras pa?» — dep suraǵan edi.

Saýalǵa jaýap bergen Tımýr Súleımenov áleýmettik jelide taraǵan bul aqparattyń jalǵan ekenin aıtty.

— 1,7 mlrd teńgede jalaqy, saýyqtyrý tólemi, oqytý, eńbek demalysy tólemiǵ ıaǵnı biz alǵan aqylardyń bári eseptelingen. Syıaqy emes, — dedi Ulttyq bank basshysy.

Aıta keteıik, Ulttyq bank bazalyq mólsherlemeni 18 paıyz deńgeıinde saqtady.