Ulttyq bank memlekettik qaryzdy basqaratyn arnaıy keńse quryp jatyr

ASTANA. KAZINFORM — Ulttyq bank tóraǵasy Tımýr Súleımenov úkimet otyrysynda memlekettik qaryzdy basqaratyn arnaıy keńseni ne úshin quryp jatqandaryn aıtty.

— Memlekettik baǵaly qaǵazdardyń ishki naryǵyn damytý úshin memlekettik qaryzdy basqarý ofısi (Debt Management Office) qurylyp jatyr. Ol ofıs qaryzdy basqarý saıasatyn jetildirý baǵytyndaǵy strategııalyq fýnktsııalardy oryndaıdy. Sonymen qatar, aqparat jınaý, qaryzdyń turaqtylyǵyn taldaý, sheshimder daıyndaý operatsııalyq mindetterin de oryndaıdy, — dedi Ulttyq bank basshysy.

Aıtýynsha, bul keńse memlekettik baǵaly qaǵazdar naryǵynyń damýyna jáne kiristilik izin qalyptastyrýǵa yqpal etip, aqsha-kredıt saıasatynyń transmıssııalyq tetigin kúsheıtedi.

Osyǵan deıin Ulttyq bank tóraǵasy Tımýr Súleımenov Úkimet otyrysynda eldegi valıýta baǵamy suranys pen usynys negizinde qalyptasa beretinin aıtty. Biraq qajet bolǵan jaǵdaıda retteýshi organ retinde valıýta baǵamyna ınterventsııa arqyly áser etýge daıyn ekenderin atap ótti.

Sondaı-aq, búgingi Úkimet otyrysynda Qazaqstan aýmaǵynda jedel respıratorlyq vırýstar men tumaýdyń órshýi jeltoqsannyń ortasyna deıin jalǵasýy múmkin ekeni aıtyldy.