Ulttyq bank mamyrda Ulttyq qordan 988 mln dollar satqan

ASTANA. KAZINFORM – Ulttyq bank mamyrda Ulttyq qordan  988 mln dollar satqan. Bul sáýir aıynyń kórsetkishinen 20 mln dollar kóp.

– Mamyrda Ulttyq qordan 988 mln AQSh dollaryna valıýta satyldy. Bul respýblıkalyq bıýdjetke transfert bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 22%-yn nemese kúnine shamamen 52 mln AQSh dollaryn qurady, - dep jazady Ulttyq banktiń resmı saıty.

Al maýsym aıynda Ulttyq qordan taǵy 800 mln dollar satylýy múmkin. Úkimet Ulttyq bankke respýblıkalyq bıýdjetke transfert bólý úshin 700-800 mln dollar kóleminde valıýta satý týraly ótinim bergen. 

Sondaı-aq Ulttyq bank ishki naryqtan Ulttyq qorǵa jınaqtalǵan dollarmen 213 mlrd teńge satyp alyp, bıýdjet shyǵystaryna baǵyttaǵan (aınalaý operatsııasy – red.). Maýsym aıynda da dál osyndaı kólemde aınalaý operatsııasyn oryndamaq. 

– Ulttyq Bank BJZQ-daǵy zeınetaqy aktıvteriniń valıýtalyq úlesin 40% deńgeıinde ustap turý úshin mamyrda bırjadan jalpy somasy 250 mln dollar satyp aldy. Osy maqsatta maýsym aıynda valıýta satyp alý kólemi 250 mln dollardan aspaıdy, - dep jazady Ulttyq bank mamandary.

Eske salsaq, bir aı buryn Ulttyq bank mamyr aıynda Ulttyq qordan 1 mlrd dollar satýy múmkin ekenin jazǵan edik.