Ulttyq bank mamyr aıynda Ulttyq qordan 1 mlrd dollar satýy múmkin

ASTANA. KAZINFORM – Sáýir aıynda Ulttyq qordan ishki naryqqa 968 mln dollar satylǵan. Bul týraly Ulttyq banktiń valıýta naryǵy týraly kezekti aqparatynda aıtylǵan.

- Sáýir aıynyń qorytyndysy boıynsha teńge baǵamy 1 AQSh dollary úshin 512,48 teńgege deıin (1,6%-ǵa) álsiredi. Qazaqstan qor bırjasyndaǵy saýda-sattyqtyń ortasha bir kúndik kólemi bir aıda 243 mln dollardan 246 mln dollarǵa deıin ulǵaıdy. Saýda-sattyqtyń jalpy kólemi 5,4 mlrd dollar boldy. Sáýirde Ulttyq qordan 968 mln AQSh dollaryna valıýta satyldy. Bul respýblıkalyq bıýdjetke transfert bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 18%-y, - dep jazady Ulttyq banktiń resmı saıty.

Basqasha aıtsaq, ótken aıda kún saıyn Ulttyq qordan shamamen 44 mln dollar satylyp otyrǵan.

- Respýblıkalyq bıýdjetke transfert bólýge arnalǵan Úkimettiń aldyn ala boljamdy ótinimderine súıensek, mamyrda Ulttyq bank Ulttyq qordan 950 mln dollardan 1050 mln dollarǵa deıingi mólsherde valıýta satylady dep boljaıdy. Ulttyq bank sáýirde valıýtalyq ınterventsııa júrgizgen joq, - delingen resmı málimette.

Buǵan deıin Ulttyq bank Qazaqstan ekonomıkasy 3 aıda 5,8% ósim kórsetkenin málim etken bolatyn.