Ulttyq bank krıpto-karta jáne tsıfrlyq aktıvter boıynsha pılottyq jobalardy bastady
ASTANA. KAZINFORM — Ulttyq bank Almatyda Memleket basshysynyń tsıfrlyq aktıvter ındýstrııasyn damytý jónindegi tapsyrmasyn oryndaý aıasynda bankter, krıptobırja men fınteh-kompanııalarynyń ókilderimen kezdesý ótkizdi. Bul týraly UB baspasóz qyzmetinen málim etti.
Іs-shara barysynda tokenızatsııa men tsıfrlyq aktıvterge negizdelgen ınnovatsııalyq qarjylyq servısterdi iske qosý jobalarynyń júzege asyrylý barysy talqylandy. Sondaı-aq tsıfrlyq aktıvterdi eldiń qarjy júıesine ıntegratsııalaý jáne ony retteý isin odan ári damytý máseleleri qaraldy.
— Jıynda «Astana» halyqaralyq qarjy ortalyǵynyń alańynda tsıfrlyq aktıvter qyzmetin kórsetetin lıtsenzııalanǵan provaıderlerdiń (krıptobırjalardyń) ámııandaryna baılanǵan «krıpto-karta» jobasyn júzege asyrý tetigi iske qosyldy. Bul tólem kartalary tutynýshyǵa kez kelgen qolma-qol aqshasyz operatsııalardy (onlaın jáne termınal arqyly tólem, qolma-qol aqsha sheshý jáne t. b.) oryndaýǵa múmkindik beredi. Atalǵan sheshim tsıfrlyq aktıvterdiń aınalymyn qoldanystaǵy tólem ınfraqurylymyna qaýipsiz ári yńǵaıly túrde biriktirýge jol ashady, — dep atap ótedi Ulttyq bankten.
Aıta keteıik, bıyl Ulttyq banktiń úılestirýimen naryq qatysýshylary tsıfrlyq aktıvter salasynda birqatar mynadaı pılottyq jobany júzege asyrmaq:
— tsıfrlyq aktıvter boıynsha esep aıyrysýda qoldanylatyn, ulttyq valıýtamen (onyń ishinde tsıfrlyq teńgemen) qamtylǵan steıblkoındardy shyǵarý;
— qarjy aktıvteri men jyljymaıtyn múlikti tokenızatsııalaý jáne baǵaly qaǵazdarǵa teńestirilgen tokenderdi shyǵarý;
— tsıfrlyq qarjy aktıvteriniń bazalyq qamtamasyz etilýin esepke alý jáne saqtaý júıelerin uıymdastyrý;
— krıptoaktıvtermen aıyrbastaý jáne saqtaý servısterin damytý;
— ózge de ınnovatsııalyq qarjy servısteri.
Ulttyq bank atalǵan bastamalardy júzege asyrý úshin múddeli memlekettik organdarmen birlese otyryp, kepilsiz tsıfrlyq aktıvterdiń aınalymyn keńeıtýge jáne tsıfrlyq qarjy (qamtamasyz etilgen) aktıvteri úshin retteýshi baza qalyptastyrýǵa múmkindik beretin zańnamalyq túzetýler jobasyn ázirlegen.
Budan buryn Ulttyq bank mamyrda Ulttyq qordan 988 mln dollar satqany anyqtaldy.