Ulttyq bank qoldan jasalǵan ulttyq valıýta banknotalary taraǵanyn eskertti
ASTANA. KAZINFORM - Qazaqstannyń Ulttyq banki áleýmettik jeliler men messendjerler arqyly ulttyq valıýta túpnusqa banknotalarynyń syrtqy belgilerine uqsaıtyn jáne «PRAZDNÝEM VMESTE!», «NE ıAVLıAETSıA PLATEJNYM SREDSTVOM» degen bógde jazbalary bar baspa ónimderin satyp alýdy usynatyn jarnamalardyń taralý faktileri anyqtalǵanyn eskertedi. Atalǵan ónimder jalǵan bolyp sanalady.
azaqstan Ulttyq banki Qazaqstan Respýblıkasy Qylmystyq kodeksiniń 231-babyna sáıkes jalǵan aqsha nemese baǵaly qaǵazdardy jasaý, saqtaý, tasymaldaý nemese ótkizý qylmystyq jaýapkershilikke tartylatynyn eske salady.
Atalǵan jaǵdaılar boıynsha Qazaqstan Respýblıkasynyń Ulttyq banki olardyń taralý faktisin tekserý úshin Qazaqstan Respýblıkasynyń Іshki ister mınıstrligine ótinish joldady.
Osyǵan baılanysty, banknotalardy qoldaný kezinde jazýlarǵa erekshe nazar aýdaryp, olardyń túpnusqalyǵyn muqııat tekserý usynylady.
Sonymen qatar Ulttyq bank túpnusqa banknotalarda kózben kórip tekserý jáne janasý kezinde ońaı anyqtalatyn birqatar qorǵanysh belgi bar ekenin eske salady. Bul belgilermen Ulttyq banktiń resmı saıtynda jáne Youtube kanalynda tanysýǵa bolady.
Kúmándi banknotalar, sonyń ishinde túpnusqa aqsha belgileriniń syrtqy belgilerine uqsaıtyn banknotalar anyqtalǵan jaǵdaıda, dereý quqyq qorǵaý organdaryna júginý qajet.
Qazaqstan Ulttyq banki jalǵan aqsha belgileriniń jasalýyna qarsy kúres boıynsha turaqty túrde jumys júrgizedi jáne azamattardy qolma-qol aqshany paıdalanǵanda saq bolýǵa shaqyrady.