Ulttyq bank qazaqstandyq úsh bankpen birlesip bankaralyq QR-tólemder servısin iske qosty
ASTANA. KAZINFORM — Ulttyq bank bankterdiń mobıldi qosymshalary arqyly taýarlar men qyzmetterge tólem júrgizý úshin «Qazaqstan Respýblıkasy Ulttyq bankiniń Ulttyq tólem korporatsııasy» AQ bazasynda bankaralyq QR-tólemder servısi iske qosylǵanyn habarlady.
Servıs klıentterge kez kelgen banktiń paıdasyna bankaralyq QR-tólemderdi qabyldaýǵa jáne júzege asyrýǵa múmkindik bere otyryp, bankterdiń tólem qyzmetterin keńeıtedi.
Búginnen bastap bankaralyq QR-tólemder servısi «Bank TsentrKredıt» AQ, «Home Credit Bank» AQ jáne «Freedom Bank» AQ klıentterine qoljetimdi. Operatsııa jasaý úshin satyp alýshy klıent banktiń mobıldi qosymshasyna kirip, satýshynyń (servıske qatysýshy bankterdiń birinde qyzmet kórsetiletin) termınalynda QR-kodty skanerlep, tólemdi rastaýy qajet.
Bankaralyq QR-tólemderdi iske qosý bankter arasyndaǵy ózara is-qımyl deńgeıin arttyrady, yńǵaıly etedi jáne tutynýshy úshin tólem qyzmetteriniń qoljetimdiligin keńeıtedi.
Ulttyq bank qarjy naryǵynyń qalǵan qatysýshylaryn kezeń-kezeńimen qosý boıynsha jumysty jalǵastyrady. Jańa qyzmet basqa bankterdiń mobıldi qosymshalarynda olar ishki protsesterin beıimdegen kezde paıda bolady.
Bankaralyq QR-tólemder servısi tólem ınfraqurylymyn damytý baǵyttarynyń biri sanalady jáne «Qazaqstan Respýblıkasy Ulttyq Bankiniń Ulttyq tólem korporatsııasy» AQ bazasynda Ulttyq tsıfrlyq qarjy ınfraqurylymyn (UTsQI) damytý aıasynda iske asyrylady.
UTsQI-dy damytý básekelestikti keńeıtýge, tutynýshylar úshin bankaralyq tólem servısteriniń qoljetimdiligi men yńǵaılylyǵyn arttyrýǵa baǵyttalǵan.
Osyǵan deıin bankter týraly zań jobasyda ıslamdyq qarjylandyrý nazarǵa alynatyny týraly jazdyq.