Ulttyq bank qarashadaǵy Aqsha-kredıt saıasaty týraly baıandamany jarııalady

ASTANA. KAZINFORM — Baıandamada boljamnyń alǵysharttary, 2026 jylǵa deıingi bazalyq jáne balamaly stsenarııler boıynsha makroekonomıkalyq damý serpini usynylǵan, dep habarlaıdy Ulttyq banktiń baspasóz qyzmeti.

— Qujat Aqsha-kredıt saıasaty komıtetiniń ortamerzimdi kezeńge arnalǵan bazalyq mólsherleme traektorııasyn baǵalaýdy, tólem balansynyń aǵymdaǵy shot boljamy, qazirgi makroekonomıkalyq jaǵdaılar, aqsha, valıýta jáne qarjy naryǵyndaǵy ahýal jaıyndaǵy derekterdi qamtıdy, — delingen habarlamada.

Sonymen qatar, baıandamaǵa halyqtyń kredıt júktemesiniń dınamıkasyn taldaý, kásiporyndardyń básekege qabilettiligin baǵalaý, sondaı-aq keıbir elderdegi dástúrli emes aqsha-kredıt saıasatyn taldaý sııaqty taqyryptarǵa arnalǵan bokstar engizilgen.

Tolyǵyraq aqparat Ulttyq banktiń ınternet-resýrsynda jarııalanǵan.

Eske salsaq, buǵan deıin Ulttyq bank Cu kollektsııalyq monetalaryn shyǵarǵany habarlandy.

Sondaı-aq, Ulttyq bank qoldan jasalǵan ulttyq valıýta banknotalary taraǵanyn eskertti.