Ulttyq bank qańtarda Ulttyq qordan qansha dollar satady

ASTANA. KAZINFORM – Ulttyq bank qańtar aıynda Úkimettiń Ulttyq qordan qansha dollar satýdy kózdep otyrǵanyn málim etti.

- Úkimettiń respýblıkalyq bıýdjetke transfertter bólý týraly aldyn ala boljamdy ótinimi boıynsha Ulttyq bank 2025 jylǵy qańtarda Ulttyq qordan 750-den 850 mln dollarǵa deıingi mólsherde valıýta satýy múmkin, - dep jazylǵan aqparattyq habarlamada.

Ulttyq bank málimeti boıynsha, jeltoqsan aıynda Ulttyq qordan respýblıkalyq bıýdjettiń transfertterine dep 900 mln dollar satylǵan.

- Ulttyq qordyń saýda-sattyqtaǵy úlesi 17% nemese kúnine shamamen 43 mln dollar boldy. Ulttyq bank Ulttyq qor qarajatymen operatsııalar júrgizgende naryqtaǵy beıtaraptyq qaǵıdatty saqtaıdy, - dep jazady Ulttyq bank mamandary.

Bıyl Ulttyq qorǵa 3,7 trln túsip, transfert retinde 5,3 trln teńge alyndy.