Ulttyq bank JOSHY ULYSY. 800 JYL kollektsııalyq monetalaryn aınalymǵa shyǵarady
ASTANA. KAZINFORM – Qazaqstan Ulttyq banki «Este qalatyn oqıǵalar men birtýar adamdar» serııasynan JOSHY ULYSY. 800 JYL kollektsııalyq monetalaryn aınalysqa shyǵarady. Monetalardyń qaı kúni satýǵa shyǵarylatyny týraly aqparat QUB-tyń resmı saıtynda qosymsha jarııalanady.
Joshy han – Shyńǵys hannyń úlken uly jáne Altyn Orda atanǵan Joshy ulysynyń negizin qalaýshy. Ulytaý oblysynda mańyzdy tarıhı eskertkish – Qazaqstannyń mádenı murasynyń bir bóligi sanalatyn Joshy han kesenesi ornalasqan.
Monetalardyń dızaınynda Joshy han eskertkishiniń beınesi paıdalanylǵan. Onyń avtory – Qazaqstannyń belgili músinshisi, monýmentalıst-sýretshi Ǵazız Eshkenov. Syrt jaǵynda Altyn Orda dáýirindegi monetalardan kollaj ornalasqan. Monetalar altyn jalatylǵan, kúmis synamasy – 925/1000, massasy - 777,5 gramm, dıametri - 100 mm, daıyndaý sapasy – «proof», nomınaly - 5 000 teńgelik, taralymy – 100 (júz) dana.
Nomınaly 2 000 teńgelik monetanyń beınesi
– altyn jalatylǵan, kúmis synamasy – 925/1000, massasy 31,1 gramm, dıametri 38,61 mm, daıyndaý sapasy – «proof», nomınaly 1 000 teńgelik, taralymy – 1 000 (bir myń) dana;
Nomınaly 1 000 teńgelik monetanyń beınesi
– MN 25 melhıor qospasynan jasalǵan, massasy 15 gramm, dıametri 33 mm, daıyndaý sapasy – «brilliant uncirculated», nomınaly 200 teńgelik, taralymy – 8 000 (segiz myń) dana.
Nomınaly 200 teńgelik monetanyń beınesi
Kollektsııalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.
Kollektsııalyq monetalar Qazaqstan teńge saraıynda daıyndaldy.
