Ulttyq bank: Ipoteka sharttaryn qaıta qaraýǵa bolady

ASTANA. KAZINFORM – Ekonomıkadaǵy aqshanyń qymbattyǵy ıpoteka sharttaryn qaıta qaraýǵa negiz bolýy múmkin. Bul týraly Ulttyq bank tóraǵasy Tımýr Súleımenov kezekti baspasóz máslıhatynda aıtty.

— Bazalyq mólsherlemeniń qazirgi deńgeıimen, ekonomıkadaǵy aqshanyń jalpy qunymen 10, 15, 20 jylǵa ıpoteka rásimdeý artyq tólem dep esepteımiz. Ondaı nesıeni alǵanda «shamam keletin shyǵar», «talpynyp kórermin» dep oılaýyńyz múmkin. Biraq 10 jyldan keıin bul boryshty ýaqtyly ótep kete alasyz ba? Páterge óz baǵasynan 3-4 ese artyq aqsha tóleı alasyz ba? Bul úlken másele, — dedi Tımýr Súleımenov.

Aıta ketý kerek. Qarjy naryǵyn retteý jáne damytý agenttigi ıpoteka tásilderin túzetý joldaryn pysyqtap jatyr. Usynystardyń ishinde ıpotekanyń eń joǵary paıyzdyq mólsherlemesin 20%-ben shekteý, normatıvterdi qaıta esepteý, bastapqy jarnany ulǵaıtý yqtımaldyǵy, qaryz alýshynyń tólem qabiletin qatań baǵalaý sııaqty sharalar talqylanyp jatyr.

Buǵan deıin ıpotekanyń paıyz mólsherlemesin tómendetý 1 qarashaǵa deıin shegerilgenin jazǵan edik.