Ulttyq bank basshysy eldegi ınflıatsııaǵa áser etetin syrtqy faktorlardy atady
ASTANA. KAZINFORM — Álemdegi azyq-túlik pen energııa baǵasynyń ósýi Qazaqstandaǵy ınflıatsııaǵa qysym túsirip otyr. Bul týraly Ulttyq bank tóraǵasy Tımýr Súleımenov aıtty.
Spıkerdiń sózinshe, syrtqy naryqtaǵy ahýal áli de turaqsyz. Taıaý Shyǵystaǵy shıelenis energııa baǵasynyń joǵary bolýyna áser etip otyr.
— Álemdik naryqta dándi daqyldar, qant pen ósimdik maıy qymbattady. Al et pen sút ónimderiniń baǵasy tómendedi. Reseıde shildede jyldyq ınflıatsııa 6% boldy. Bul Qazaqstandaǵy baǵanyń tómendeýin baıaýlatýy múmkin, — dedi bank tóraǵasy.
Ol AQSh pen Eýropadaǵy ınflıatsııa kórsetkishterine de toqtaldy.
— Eýropalyq odaqta shildede ınflıatsııa 3%-ǵa deıin ósti. Al AQSh-ta baǵa ósimi baıaýlap, shildede 3,4% boldy. Bul eldiń ortalyq banki kózdegen 2%-dyq deńgeıden joǵary. Sondyqtan bul elderdiń ortalyq bankteri paıyzdyq mólsherlemeni tómendetýge asyqpaı otyr, — dedi ol.
Ulttyq bank aldaǵy ýaqytta geosaıası jaǵdaıdyń ýshyǵýy, sondaı-aq álemdik azyq-túlik pen energııa baǵasynyń ósýi Qazaqstandaǵy ınflıatsııaǵa qosymsha qysym túsirýi múmkin ekenin eske salyp ótti.
Aıta keteıik, buǵan deıin Ulttyq bank bazalyq mólsherlemeni 16,25%-ǵa deıin tómendetkenin habarlaǵan edik.
