Ulttyq bank BJZQ aqshasyn ınvestıtsııalaǵanda salymshylardyń kelisimin nege almaıdy
ASTANA. KAZINFORM – Ulttyq banktiń Monetarlyq operatsııalar departamentiniń dırektory Nurjan Tursynhanov Biryńǵaı jınaqtaýshy zeınetaqy qorynyń aqshasyn ınvestıtsııalaǵan kezde salymshylardyń kelisimin nege almaıtynyn túsindirdi.
- Áleýmettik kodeks pen Ulttyq bank týraly zańda Ulttyq bank zeınetaqy aktıvterin senimgerlik negizde basqarýshy bolyp bekitilgen. Búgingi tańda zeınetaqy qorynda 22 trln teńgeden astam aqsha bar. Ulttyq banktiń mindeti – qordyń shynaıy tabystylyǵy. Búgin dóńgelek ústel kezinde sandardy atadym. Ótken jyldyń qorytyndysy boıynsha ınflıatsııa 8,6 paıyz bolǵanda, BJZQ tabystylyǵy 17,84 paıyz boldy. Sonda biz salymshylarǵa shynaıy mánde 9 paıyz tabys ákeldik degen sóz. Keıingi 10 jyldyń kórsetkishin qarasaq, jıyntyq ınflıatsııa 156 paıyz bolǵanda tabystylyq 180 paıyz boldy. ıAǵnı keıingi 10 jylda Ulttyq banktiń senimgerlik basqarýyndaǵy BJZQ jyl saıyn ınflıatsııa deńgeıinen joǵary tabystylyq kórsetip keledi, - dedi Ulttyq bank ókili.
Onyń paıymdaýynsha, zeınetaqy aktıvterin basqarý qyzmeti barynsha ashyq.
- Aı saıyn qordyń resmı saıtynda búkil operatsııalar týraly aqparat jarııalap kelemiz. Búkil portfeldiń qurylymyn ashyp kórsetip otyrmyz. Bul jerde kásibı turǵyda senimgerlik basqarýshy degen uǵym bar. Bizge eń bastysy salymshylar úshin qyzmetimizdiń tabysty bolýy kerek. Ol mindetti Ulttyq bank tabysty atqaryp otyr, - dedi Nurjan Tursynhanov.
Buǵan deıin Ulttyq bank tóraǵasynyń orynbasary Aqyljan Baımaǵambetov Biryńǵaı jınaqtaýshy zeınetaqy qorynyń aqshasy qandaı jobalarǵa ınvestıtsııalanatynyn aıtqan edi. Sondaı-aq Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva Senatta ótip jatqan dóńgelek ústelde BJZQ-daǵy qarjysy azaıyp qalǵanyna jıi shaǵymdanatyn salymshylar týraly pikir bildirgen edi.
Bıyl bankterge BJZQ-dan qansha aqsha beriletini týraly da jazǵan edik. Sonymen qatar Ulttyq bank BJZQ-nyń Air Astana-ǵa aqsha salǵany qate boldy ma degen saýalǵa jaýap bergen bolatyn.