Ulttyq bank byltyr 1,1 tonnaǵa jýyq altyn quıma satty

Ulttyq banktiń málimetinshe, ólshemdi quımalar kóp satylǵan óńirler: Almaty (20 526 dana, 74%), Astana (1 650 dana, 6%) jáne Shymkent (1 099 dana, 4%).

Halyqqa arnalǵan ólshemdi quımalardy Halyk Bank, Eýrazııalyq bank, Alatau city bank, TsentrKredıt Banki arqyly, sondaı-aq banktik emes jekelegen aıyrbastaý pýnkterinde satyp alýǵa nemese keri satýǵa bolady.

Osylaısha, 2025 jyly EDB men banktik emes jekelegen aıyrbastaý pýnkteri keri satyp alǵandy eskergende, halyqqa jalpy salmaǵy 1,1 t — 40 799 ólshemdi quıma satty. Baǵdarlama iske qosylǵaly satylǵan altyn quımalardyń jalpy sany — 263 479, al olardyń jalpy salmaǵy — 9 t.

Halyq arasynda suranysqa ıe altyn quımanyń salmaǵy — 10 g. Satylǵan kólemnen onyń jalpy úlesi 26% — 67 833 dana. Odan keıingisi 5 gramdyq quıma, satylǵany — 57 847 dana (22%), 100 gramdyq quımadan — 53 289 dana (20%), 20 gramdyqtan — 49 154 dana (19%) jáne 50 gramdyq quımadan — 35 356 dana (13%).

— Árbir altyn quıma qorǵaý elementterimen qaptalǵan (quımanyń aına beti, mıkrotekst jáne bederli jıegi bar) jáne mehanıkalyq zaqymdanýdan qorǵaıtyn arnaıy qorapqa salynyp shyǵady. Sol arqyly quımanyń ashylǵan-ashylmaǵanyn ońaı tekserýge bolady. Qorǵanysh qoraby sapa sertıfıkaty bolyp ta sanalady. Sondyqtan, altyn quımany uqypty saqtap, qorabyn búldirmeýge keńes beremiz.

Altyn quıma — senimdi ınvestıtsııa quraly. Altyn quımalar naryǵyndaǵy ótimdiliktiń basty kepili — bank pen banktik emes aıyrbastaý pýnkteri klıentke aqshany sol kúni tóleı otyryp, altyn quımalardy keri satyp ala alady, — delingen habarlamada.

Aıta ketelik Qazaqstannyń altyn rezervi 345 tonnaǵa jetti.