Ulttyq bank bıyl syrtqa altyn satýdan túsken 6 mlrd dollardy ishki naryqqa salmaqshy

ASTANA. KAZINFORM — Ulttyq bank tóraǵasy Tımýr Súleımenov qazaqstandyq altyn óndirýshilerden teńgege satyp alǵan altyndy syrtqa satýdan ishki naryqqa qansha dollar qosylatyn aıtty.

— Ulttyq bank bıyl otandyq altyn óndirýshilerden altyn satyp alyp, ony syrtqa satyp, túsken dollardy ishki naryqqa satý sharasyn qolǵa aldy. Bıyl qansha altyn satýdy josparlap otyrsyzdar? Odan ishki naryqqa qansha dollar kiredi, — dep surady jýrnalıst bazalyq mólsherlemege arnalǵan baspasóz máslıhatynda.

Ulttyq bank basshysy bul shara ishki naryqta dollardyń usynysyn arttyryp, baǵamnyń turaqty bolýyna áser etetinin aıtty.

— Bizdiń boljamymyz boıynsha, qazirgi tańda bir ýntsııa altyn baǵasy 2900 dollar bolyp otyr. Sonda jylyna shamamen ishki valıýta naryǵyna qosymsha 5,5-6 mlrd dollar usynylady. Bul degen — valıýta naryǵyna qosymsha usynys, teńgege qoldaý. Óıtken ishki naryqta dollarǵa degen suranysty azaıtady.

Qazirgi tańda bul protsess durys bolyp jatyr. Mysaly, qańtar-aqpan aılarynyń qorytyndysy boıynsha 950 mln dollar usyndyq. Eshqandaı problema joq. Osynyń arqasynda teńge baǵamy turaqtandy, — dedi Tımýr Súleımenov.

Búgin ulttyq bank bazalyq mólsherlemeni kótergen bolatyn.