Ulttyq bank bazalyq mólsherlemeni ózgerissiz qaldyrdy

ASTANA. KAZINFORM - Qazaqstan Respýblıkasy Ulttyq bankiniń Aqsha-kredıt saıasaty komıteti bazalyq mólsherlemeni jyldyq 14,75% deńgeıinde saqtaý týraly sheshim qabyldady.

Mundaı sheshim qabyldaýǵa ınflıatsııanyń tym baıaý túsip jatqany sebep bolǵan.

«Aqpan, naýryz aılarynda jyldyq ınflıatsııa tómendeý úrdisin jalǵastyrdy. Alaıda, ol baıaý qarqynmen tómendedi. Inflıatsııalyq kútýler birshama álsiredi. Biraq, meılinshe, joǵary deńgeıde qaldy. Syrtqy ınflıatsııalyq jaǵdaı beıtarap túrde qalyptasyp otyr. Álemdik naryqtarda astyq baǵasy tómendep keledi. Іshki ekonomıkada ornyqty ishki suranysqa jáne turaqtanbaǵan ınflıatsııalyq kútýlerge baılanysty ınflıatsııalyq qysym saqtalyp otyr. Inflıatsııa boıynsha 5%-dyq maqsatqa jetý úshin ustamdy qatań aqsha-kredıt sharttaryn saqtaý qajet. Qazirgi jaǵdaıda aqsha-kredıt saıasatyn jeńildetýge arnalǵan keńistik áli de shekteýli. Onyń qalyptasýy ınflıatsııanyń ornyqty bóliginiń turaqty túrde baıaýlaýyna baılynysty», - dep túsindiredi Ulttyq bank mamandary.