Ulttyq bank basshysy teńge men dollar baǵamyna qatysty pikir bildirdi

ASTANA. KAZINFORM — Ulttyq bank tóraǵasy Tımýr Súleımenov  valıýta naryǵynda teńge men dollar baǵamy jaıynda túisinik berdi.

Búgin Parlament palatalarynyń birlesken otyrysynyń aldynda tilshiler Ulttyq bank basshysyna: «Jyl sońyna deıin 1 dollardyń teńgege shaqqandaǵy baǵamy 1 myń teńgege jete me?» - degen suraq qoıdy.

- Olaı bolýy múmkin emes... Bizde syrtqy saýda teńgerimi, tólem balansy, ishki ınvestıtsııalyq múmkindikter men ekonomıkanyń damýy turǵysynan bári turaqty, - dedi T. Súleımenov.

Osy oraıda baǵam boıynsha eleýli ózgerister bolmaıtynyn atap ótti.

Aıta keteıik, 2 qyrkúıekke arnalǵan dollar, eýro jáne rýbl baǵamyn jazǵan edik. 

Astanadaǵy aıyrbastaý pýnktterinde:

* dollar: satyp alý – 535,03 teńge, satý – 540,03 teńge;

* eýro: satyp alý – 622,00 teńge, satý – 632,00 teńge;

* rýbl: satyp alý – 6,60 teńge, satý – 6,70 teńge.