Ulttyq bank basshysy teńge baǵamyna qatysty pikir bildirdi

ASTANA. KAZINFORM — QR Ulttyq bankiniń tóraǵasy Tımýr Súleımenov bıylǵy teńge baǵamyna qatysty suraqqa jaýap berdi.

«Biz valıýta baǵamyna qatysty boljam jasamaımyz, óıtkeni valıýta baǵamy naryqtaǵy suranys pen usynystyń nátıjesinde qalyptasady. Sondyqtan erkin aıyrbas baǵamy jaǵdaıynda bul is-qımyldar múmkin emes. Memlekettik josparlaý júıesine kiretin resmı qujattarǵa, ıaǵnı áleýmettik-ekonomıkalyq damý boljamyna jáne bıýdjet týraly zańǵa nazar aýdarǵym keledi. Onda 2024 jylǵa arnalǵan ortasha jyldyq baǵam bir dollarǵa 460 teńge bolyp belgilengen», - dedi T. Súleımenov elordada ótken baspasóz máslıhatynda.

Onyń aıtýynsha, ortasha jyldyq kórsetkish jyl basyndaǵy deńgeıden aspaýy múmkin.

«Birinshi jartyjyldyqta bul kórsetkish 440-qa (teńge) deıin tómendegenin kórdik. Qazir ol shamamen 480-ge kóterildi. Biraq jyldaǵy ortasha deńgeı retinde 460 bolady dep paıymdap otyrmyz», - dedi UB basshysy.

Aıta keteıik, Ulttyq banktiń 29 tamyzǵa arnalǵan resmı baǵamy – 1 dollarǵa 481,22 teńge. Reseı rýbliniń ortasha saralanǵan quny – 5,27 teńge. Eýro – 535,36.