UB bankterge qoıylatyn talaptardy qaıta qarap jatyr
ASTANA. KAZINFORM – QR Ulttyq banki Pavlodar qalasyndaǵy Halyk banki bólimshesi ǵımaratynyń qabyrǵasyn qıratý oqıǵasynan keıin bankter, aıyrbastaý pýnktteri jáne ınkassatorlyq qyzmetter úshin qaýipsizdik normalaryn kúsheıtýdi qolǵa aldy.
Qujat jobasy «Ashyq NQA» portalynda jarııalanǵan.
Jańashyldyq qolma-qol aqsha saqtalatyn bólmelerge qatysty, ol boıynsha qatań standarttar engizilýde.
Ulttyq bank QR ST EN 1143-1-2020 standartyn engizýdi usynady, ıaǵnı seıfter, bankomattarǵa arnalǵan seıfter, esikter men seıf qoımalary týraly aıtylǵan. Sondaı-aq, EN 1627-2011 halyqaralyq standartyn qosý usynylyp otyr, ol esikter, terezeler, qabyrǵa bólimderi, torlar men japqyshtar, ıaǵnı buzýǵa tótep berýdiń qandaı bolýy kerek ekenin retteıdi. Bul sharalar qaýipsizdikti arttyrý úshin qajet.
Aıta ketsek, birer kún buryn Pavlodarda bank bólimshesiniń qabyrǵasy lommen buzylǵany habarlaǵan edik. Polıtsııa qyzmetkerleri bes qabatty turǵyn úıdiń túbinde ornalasqan bank bólimsheni qorshaýǵa aldy. Sonymen qatar oqıǵanyń mán-jaıy men sebepteri anyqtalyp jatqany aıtyldy.
