Ulttyq bank aılyq pen syıaqy tóleý shyǵyndaryn nege arttyrdy
ASTANA. KAZINFORM – Ulttyq bank tóraǵasy Tımýr Súleımenov byltyr nege aılyq pen syıaqy tóleý shyǵyndaryn arttyrǵanyn túsindirdi.
- Birinshiden, bul Ulttyq bank fılıaldarynyń keńeıýimen baılanysty. Jańa oblystar qurylyp, Ulttyq banktiń jańa aýmaqtyq beketteri ashylǵandyqtan, shtat sanyn ulǵaıtqanbyz jáne fılıaldardyń eńbekaqysyn arttyrdyq.
Ekinshiden, qazir Qarjy naryǵyn retteý jáne damytý agenttiginiń jumysyn Ulttyq bank bıýdjeti qarjylandyryp otyr. Buryn ol respýblıkalyq bıýdjetten qarjylandyrylatyn. Biraq ol jerde belgili bir problemalar bolǵan. Sondyqtan 2024 jyly ol mindetti bizge berdi.
Sonda qazir óz aılyǵymyzdy ǵana emes, agenttiktegi áriptesterimizdiń aılyǵyn da bizdiń bıýdjetten tóledik, - dedi ol
Tımýr Súleımenov bul málimetterdiń bári jáne sebepteri Ulttyq banktiń jyldyq esebinde jarııalanatynyn aıtty.
Aıta keteıik, búgin Ulttyq bank bazalyq mólsherleme týraly jańa sheshim qabyldady.