Ulttyq Bank ARǴYMAQ kollektsııalyq monetalaryn aınalysqa shyǵarady
ASTANA. KAZINFORM — Qazaqstan Ulttyq Banki «Kóshpendilerdiń ǵıbadat janýarlary – totemderi» serııasynan ARǴYMAQ kollektsııalyq monetalaryn aınalysqa shyǵarady. Osy moneta «Kóshpendilerdiń ǵıbadat janýarlary – totemderi» serııasyn aıaqtaıdy. Bul týraly banktiń baspasóz qyzmeti málim etti.
Kollektsııalyq monetalar 2025 jylǵy 22 qazannan bastap QUB https://kazcoins.nationalbank.kz ınternet-dúkeni arqyly satylady.
ARǴYMAQ kollektsııalyq monetalary
Moneta adam men tabıǵattyń úndestigin beıneleıtin túrki mádenıetindegi basty janýardyń biri – qasıetti arǵymaqty beıneleıdi. Onyń dızaıny «saq stılinde» jasalǵan janýardyń shynaıy jáne trafarettik beınesine negizdelgen.
Nomınaly 5 000 teńgelik jáne 1 000 teńgelik ARǴYMAQ monetalarynyń sıpattamasy
Kúmisten jasalǵan monetalardy daıarlaý kezinde altyn jalatý jáne gaýhartas qondyrý tehnologııasy qoldanylǵan. Monetalardyń bet jaǵy men syrt jaq beınesi birdeı.
Monetalardyń bet jaǵy (aversi) ulttyq oıý-órnekpen jıektelgen. Sol sııaqty soǵylǵan jyly, nomınaly, Qazaqstan teńge saraıynyń taýar belgisi men monetanyń metaly, onyń synamasy men massasyn bildiretin jazý bar. «QAZAQSTAN RESPÝBLIKASY•REPUBLIC OF KAZAKHSTAN» jazýy moneta betine aınaldyra jazylǵan.
Monetalardyń syrt jaǵynda (reversinde) nomınaly 5 000 teńgelik monetada – dıametri 2 mm, al nomınaly 1000 teńgelik monetada – 1 mm gaýhar tasy qondyrylǵan arǵymaq basynyń shynaıy jáne trafarettik beınesiniń kompozıtsııasy berilgen. Joǵarǵy bóliginen «ARǴYMAQ» jazýyn oqýǵa bolady. Perımetri boıynsha sándik elementteri bar keń jıekti.
Nomınaly 5 000 teńgelik monetanyń beınesi
Moneta:
- kúmisten daıyndalǵan, synamasy – 925, massasy 25 oz (777,5 gr.), dıametri 100 mm, qondyrylmaly gaýhar tasynyń dıametri 2 mm, daıyndaý sapasy – «proof», nomınaly 5000 teńgelik, taralymy 250 dana;
Nomınaly 1 000 teńgelik monetanyń beınesi
- kúmisten daıyndalǵan, synamasy – 925, massasy 31,1 gramm, dıametri 38,61 mm, qondyrylmaly gaýhar tasynyń dıametri 1 mm, daıyndaý sapasy – «proof», nomınaly 1000 teńgelik, taralymy 4 000 dana.
Nomınaly 500 teńgelik jáne 200 teńgelik ARǴYMAQ monetalarynyń sıpattamasy
Monetalar MN 25 melhıor qospasynan, «proof-like» jáne «brilliant uncirculated» sapasynda daıyndalǵan. «Proof-like» sapasynda ázirlengen monetada altyn jalatý tehnologııasy qoldanylyp otyr.
Monetalardyń bet jaǵy (aversi) ulttyq oıý-órnekpen jıektelgen. Sol sııaqty soǵylǵan jyly, nomınaly, Qazaqstan teńge saraıynyń taýar belgisi ornalasqan. «QAZAQSTAN RESPÝBLIKASY•REPUBLIC OF KAZAKHSTAN» jazýy moneta betine aınaldyra jazylǵan.
Monetalardyń syrt jaǵynda (reversinde) arǵymaq basynyń shynaıy jáne trafarettik beınesiniń kompozıtsııasy, al joǵarǵy bóliginde – «ARǴYMAQ» jazýy bar. Perımetri boıynsha sándik elementteri bar keń jıekti.
Nomınaly 500 teńgelik monetanyń beınesi
- melhıor qospasynan turady, massasy 15 gramm, dıametri 33 mm, daıyndaý sapasy – «proof-like», nomınaly 500 teńgelik, taralymy – 7 000 dana;
Nomınaly 200 teńgelik monetanyń beınesi
- melhıor qospasynan daıyndalǵan, massasy 11,17 gramm, dıametri 31 mm, daıyndaý sapasy – «brilliant uncirculated», nomınaly 200 teńgelik, taralymy – 15 000 dana.
Monetalardyń barlyq túri Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarylýǵa, usaqtalyp, aıyrbastalýǵa mindetti.
Kollektsııalyq monetalar Qazaqstan teńge saraıynda daıyndalǵan.
Buǵan deıin Ulttyq bank Konstıtýtsııanyń 30 jyldyǵyna arnalǵan kollektsııalyq monetalar aınalysqa shyǵarǵan bolatyn.