Ulttyq bank antıfrod-ortalyq arqyly 2,2 mlrd teńgeniń alaıaqtyq áreketin buǵattaǵan
ASTANA.KAZINFORM - Ulttyq bank tóraǵasynyń keńesshisi, tsıfrlyq transformatsııa basshysy Bınur Jalenov ınternet alaıaqtyqtyń aldyn alýǵa arnalǵan antıfrod-ortalyq jumysynyń nátıjesin málim etti.
Onyń sózinshe, 2024 jyldyń 22 shildesinde iske qosylǵan ortalyq júıesine búginde 150-ge jýyq bank, mıkroqarjy jáne tólem uıymy qosylǵan.
- Búgingi tańda jalpy somasy 2,2 mlrd teńgege 58 myńǵa jýyq oqıǵanyń aldyn aldy. Bul rette biz alaıaqtyqpen kúresý quraldaryn damytý boıynsha áli de kóp jumys isteý kerek ekenin anyq túsinemiz. Sebebi másele óte aýqymdy. Bizdiń oıymyzsha, Ulttyq banktiń, Qarjy naryǵyn retteý agenttiginiń, quqyq qorǵaý blogynyń jáne jalpy Úkimet alaıaqtyqqa qarsy is-qımyldyń tutas ekojúıesin qurýǵa tıis, - dedi Bınur Jalenov.
Eske salsaq, ІІM alaıaqtyqtyń jańa túrine baılanysty qazaqstandyqtarǵa úndeý jasaǵan edi.