Ulttyq bank aqsha-kredıt saıasaty týraly baıandamany jarııalady

ASTANA. KAZINFORM – Ulttyq bank bazalyq mólsherleme traektorııasyna baǵalaý men makroekonomıkalyq stsenarıı usyndy. Bul týraly banktiń baspasóz qyzmeti málim etti.   

Baıandamada boljamnyń alǵysharttary, 2027 jylǵa deıingi bazalyq jáne balamaly stsenarıı boıynsha makroekonomıkalyq damý serpini usynylǵan.

— Qujatta Aqsha-kredıt saıasaty komıtetiniń bazalyq mólsherleme traektorııasyna ortamerzimdi kezeńge arnalǵan baǵalaýy, tólem balansynyń aǵymdaǵy shotynyń boljamy, aǵymdaǵy makroekonomıkalyq jaǵdaı jáne aqsha, valıýta jáne qarjy naryqtaryndaǵy ahýal boıynsha derekter de qamtylǵan, — delingen habarlamada.

Budan bólek, baıandamada QQS mólsherlemesi ulǵaıýynyń ınflıatsııaǵa áseri týraly halyqaralyq tájirıbe, eńbek naryǵy tarapynan ınflıatsııalyq qysym kórsetkishterin baǵalaý, sondaı-aq halyqtyń jınaqtaý ádetteri týraly saýalnama nátıjesi sekildi taqyryptarǵa arnaıy bokstar bar.

Eske sala keteıik, buǵan deıin Ulttyq bank bazalyq mólsherleme áli de kóterilýi múmkin ekenin aıtqanyn jazǵan bolatynbyz.