Elimizge Taılandtan 5 500 astam meıman keldi
ASTANA. KAZINFORM — Taılandtan kelgen týrıster aǵyny 2 esege artty, dep habarlaıdy «Kazakh Tourism» UK» AQ baspasóz qyzmeti.
Ótken jyly elimizge Taılandtan 5 500 astam meıman keldi. Olardyń 4 200 astamy qazaqstandyq qonaq úıler qyzmetin paıdalandy. Kazakh Tourism Ońtústik-Shyǵys Azııa týrıstik naryǵymen baılanysty nyǵaıtyp, halyqaralyq áriptestikti keńeıtip keledi. Ulttyq kompanııa Taılandtyń iri loýkosteri Thai AirAsia X kelissózder júrgizdi. Taraptar Almaty-Bangkok baǵyty boıynsha tikeleı áýe reısiniń iske qosylýyn talqylady. Bul baǵytty Thai AirAsia X 2025 jyldyń 1 jeltoqsanynan bastap oryndaýdy josparlap otyr. Áýe baılanys aımaqtyń iri avıatsııalyq habtarynyń birine aınalǵan Don Mýang áýejaıynan júzege asyrylady. Jańa áýe baǵyty - taılandtyq loýkosterdiń Ortalyq Azııamen qatynaıtyn alǵashqy tikeleı reısi. Bul eki el arasyndaǵy týrıstik ári iskerlik baılanystardy damytýǵa jańa múmkindikter ashady. Áýe reısteri dúısenbi, sársenbi, juma, jeksenbi kúnderi aptasyna 4 ret Airbus A330 ushaǵymen oryndalady.
— Biz Ońtústik-Shyǵys Azııa elderimen yntymaqtastyqty keńeıtip kelemiz. Ótken jyly Malaızııadan keletin týrıster aǵyny 5 esege ósip, bul bizdiń «AirAsia X» áýekompanııasymen seriktestiktiń tabysty nátıjeleriniń birine aınaldy. «Thai AirAsia X» kompanııasynyń Ortalyq Azııadaǵy alǵashqy baǵyty retinde Qazaqstandy tańdaǵanyn joǵary baǵalaımyz. Bul elimizge degen týrıstik qyzyǵýshylyqty ǵana emes, Qazaqstannyń Ortalyq Azııadaǵy saıahat habyna aınalýyna septigin tıgizedi, — dep atap ótti «Kazakh Tourism» UK» AQ Basqarma tóraǵasynyń mindetin atqarýshy Danıel Serjanuly.
Thai AirAsia X kompanııasynyń bas dırektory Pattra Chaıarpanıt jańa áýe qatynasy elderimiz arasyndaǵy týrıstik aǵynnyń ósimine yqpal etetinin atap ótti.
Saıahatshylar úshin taǵy bir artyqshylyq bar. Qazaqstan men Taıland arasyndaǵy 30 kúnge deıingi ózara vızasyz rejım saparlardy odan da qoljetimdi ári yńǵaıly etedi.
Budan buryn Májilis depýtaty Erbolat Saýryqov Premer-mınıstr Oljas Bektenovtiń atyna saýal joldap, ishki týrızmdi damytýdyń ulttyq baǵdarlamasyn qabyldaýdy usyndy.