Ulttyq bank 2026 jylǵy ınflıatsııa boljamyn ózgertti
ASTANA. KAZINFORM — Ulttyq bank tóraǵasy Tımýr Súleımenov bazalyq mólsherlemege qatysty ótken brıfıngte ınflıatsııanyń ózgerýine de toqtaldy. Onyń aıtýynsha, 2026 jylǵa arnalǵan ınflıatsııa kórsetkishi qaıta qaralǵan.
— 2026 jyly ınflıatsııa 9–11% aralyǵynda qalyptasady dep kútiledi. Buǵan deıin bul kórsetkish 9,5–11,5% deńgeıinde edi. Túzetý ınflıatsııanyń naqty baıaýlaýymen, tutynýshylyq nesıeleýdiń azaıýymen jáne aıyrbas baǵamynyń nyǵaıýymen baılanysty, — dedi ol.
Al 2027 jylǵa arnalǵan boljam ózgerissiz qalyp, 5,5–7,5% aralyǵynda saqtaldy.
Ulttyq bank ınflıatsııanyń tómendeýin qatań aqsha-nesıe saıasaty, bıýdjet tártibi, ishki suranystyń turaqtanýy jáne tarıftik saıasattyń boljamdylyǵy arqyly qamtamasyz etýdi kózdeıdi.
— Syrtqy ınflıatsııalyq ahýal turaqtalyp, Úkimet pen Ulttyq bank qabyldap jatqan sharalar jalǵassa, 2028 jyly ınflıatsııa 5% nysanaly deńgeıge jaqyndaıdy, — dedi Súleımenov.
Aıta keteıik, Tımýr Súleımenov bazalyq mólsherlemeniń tómendeýi teńge baǵamyna áser etpeıtinin de aıtty.
