Ulttyq bank 2025 jylǵy bazalyq mólsherleme boıynsha sheshimder kestesin bekitti
ASTANA. KAZINFORM – Qazaqstan Respýblıkasynyń Ulttyq Banki kelesi jylǵa arnalǵan bazalyq mólsherleme boıynsha sheshimder kestesin bekitti. Aldaǵy jyly bazalyq mólsherleme boıynsha 8 sheshim qabyldaý josparlanyp otyr. Onyń 4-ýi boljamdy raýndtyń nátıjeleri negizinde qabyldanatyn bolady.
«Bazalyq mólsherleme boıynsha sheshimder aptanyń sońǵy jumys kúni Astana ýaqyty boıynsha saǵat 12:00–de jarııalanady jáne kelesi aptanyń birinshi jumys kúninen bastap kúshine enedi», — delingen bank habarlamasynda.
2025 jyly bazalyq mólsherleme boıynsha sheshimder kelesi kúnderi jarııalanady:
- 17 qańtar
- 7 naýryz
- 11 sáýir
- 5 maýsym
- 11 shilde
- 29 tamyz
- 10 qazan
- 28 qarasha
Eske sala keteıik, buǵan deıin Valıýta naryǵyndaǵy teńgerimdilikti arttyrý maqsatynda kvazımemlekettik sektor sýbektileriniń valıýtalyq túsimderiniń 50%-yn mindetti túrde satý talaby qaıta engiziletinin jazǵan bolatynbyz.
Birneshe kúnnen beri dollar qor naryǵynda 500 teńgeden saýdalanyp jatyr.
