Ulttyq bank 1,5 mlrd teńgeniń alaıaqtyqqa tán tranzaktsııalaryn buǵattady

ASTANA. KAZINFORM – Ulttyq bank tóraǵasy Tımýr Súleımenov alaıaqtyqqa tán tranzaktsııalar týraly derek almasatyn Antıfrod-ortalyqtyń qalaı jumys istep jatqanyn baıandady.

- Iá, ol jumysyn bastaǵan. Jarty jyl boldy. 1,5 mlrd teńge aýdarylǵaly turǵan jerinen buǵattaldy. Muny sonshalyq bir úlken soma emes dep aıtýǵa da bolady. Biraq alaıaqtar 100 mıllıondap aqsha aldap alatyn jaıttar sırek kezdesetini túsinikti. Negizinen olar 100-300 myńdap alýǵa tyrysady ǵoı. 17 myń alaıaqtyq árekettiń aldyn aldyq. Іshki ister mınıstrligi 11,5 myń oqıǵa boıynsha qylmystyq is ashty.

Bul jumys ortalyq ashylǵanǵa deıin de júrgizilip kelgen. Biraq vedomstvolar men qarjy uıymdarynyń kúshin biriktirý endi ǵana múmkin boldy. Biraq ol jaqta isteıtin jumys áli kóp. Alaıaqtar óte «ónertapqysh», - dedi Tımýr Súleımenov Bizdiñ Orta podkastynda.

Aıta keteıik, byltyr tamyz aıynda Ulttyq bank alaıaqtyqqa tán tranzaktsııalar týraly derek almasatyn Antıfrod-ortalyqty iske qosqan edi.