Ulttyq astyq operatory qarjylyq turaqtylyqqa qol jetkizdi
ASTANA. KAZINFORM — Ulttyq astyq operatory 2025 jyly qaryz júktemesin eki esege jýyq qysqartyp, aýyl sharýashylyǵy ónimderiniń eksportyn ulǵaıtty jáne fermerlerdi memlekettik qoldaý sharalaryn keńeıtti. Bul týraly AShM basapsóz qyzmeti málim etti.
«Azyq-túlik kelisimshart korporatsııasy» UQ » aktsıonerlik qoǵamy qyzmetiniń nátıjeleri kompanııanyń Qoǵamdyq keńesi músheleriniń otyrysynda aıtyldy. Atalǵan korporatsııanyń Basqarma tóraǵasy Asylhan Djývashev qıyndyqtarǵa qaramastan, korporatsııa jyldy taza paıdamen aıaqtaǵanyna aıryqsha nazar aýdardy.
Kompanııalardyń shoǵyrlandyrylǵan taza tabysy 492,5 mln teńgeni, al Azyq-túlik kelisimshart korporatsııasynyń taza paıdasy 419,8 mln teńgeni qurady.
— Bıylǵy maqsatymyz — negizgi mindettemelerdi óteý jáne jyl sońyna qaraı qaryz kólemin 20 mlrd teńgege deıin tómendetý, — dedi korporatsııa basshysy.
Atap ótkenindeı, bıyl agrarshylardy memlekettik qoldaý jónindegi mindetter tıimdi oryndalýmen qatar, qarjylyq turaqtylyqqa qol jetkizildi.
Naryqty qoldaýdyń mańyzdy tetikteriniń biri — ulttyq operatordyń satyp alý saıasaty. Korporatsııa jyl saıyn astyq daqyldaryna satyp alý baǵalaryn belgileıdi. Bul baǵalar naryq qatysýshylary úshin baǵdar ispetti.
— Byltyr satyp alý baǵasynyń ósýi aýyl sharýashylyǵy taýaryn óndirýshilerge ónimin tıimdirek baǵamen satýǵa múmkindik berip, salaǵa aıtarlyqtaı mýltıplıkatıvtik áser etti. Sarapshylardyń baǵalaýynsha, onyń jıyntyq ekonomıkalyq áseri 150 mlrd teńgege jetken, — dedi Asylhan Djývashev.
Kompanııa astyq eksportyn edáýir ulǵaıtyp, ónimdi Marokko, Aljır jáne Vetnam sııaqty jańa ári shalǵaı naryqtarǵa jetkize bastady. Sonymen qatar, Ortalyq Azııa elderi baǵytyndaǵy eksport kólemi artty, al Ázerbaıjanǵa astyq jóneltý qaıta jandandy.
Asylhan Djývashevtiń aıtýynsha, sońǵy eki jyldaǵy rekordtyq ónimdi eskere otyryp, Azyq-túlik korporatsııasynyń negizgi mindetteriniń biri qazaqstandyq astyqty syrtqy naryqtarǵa shyǵarý boldy. Bul mindetti iske asyrýǵa elimizdiń Úkimeti men Aýyl sharýashylyǵy mınıstrligi usynǵan kólik sýbsıdııalary yqpal etti. Sonyń nátıjesinde otandyq aýyl sharýashylyǵy taýaryn óndirýshiler tarıhı turǵydan eń joǵary kólemde astyq eksporttady.
«Azyq-túlik kelisimshart korporatsııasy» Qoǵamdyq keńesiniń múshesi, Maıly daqyldardy qaıta óńdeýshilerdiń ulttyq qaýymdastyǵy tóraǵasy ıAdykar Ibragımov ulttyq astyq operatorynyń jetistigine erekshe kóńil bóldi.
— Kompanııa menedjmenti memlekettik kásiporyndy oń qarjylyq nátıjege jetkizdi. Bul — ózge kvazımemlekettik kompanııalar úshin úlgi bolatyn jaqsy tájirıbe, — dedi ol otyrys barysynda.
Sonymen qatar, qaýymdastyq basshysy qazaqstandyq astyqtyń Qytaı arqyly tasymaldanýyn jandandyryp, Ońtústik-Shyǵys Azııa naryqtaryndaǵy ustanymyn nyǵaıtýdy usyndy.
Otyrys sońynda Qoǵamdyq keńes «Azyq-túlik kelisimshart korporatsııasy» aktsıonerlik qoǵamynyń 2021–2030 jyldarǵa arnalǵan damý josparyna engiziletin ózgeristerdi talqylady. Túzetýler Qazaqstan Respýblıkasynyń Konstıtýtsııasynyń jańartylǵan normalaryna saı ázirlenip, strategııalyq qujatty qoldanystaǵy zańnamaǵa sáıkestendirýge baǵyttalǵan.
Otyrys qorytyndysy boıynsha Qoǵamdyq keńes Korporatsııanyń 2025 jylǵy jyldyq esebin nazarǵa alyp, kompanııanyń damý josparyna engiziletin ózgeristerdi qoldady.
Buǵan deıin Qazaqstannyń astyq pen un eksporty 12 mln tonnadan asqanyn jazdyq.
