Ulttar lıgasy: QR fýtbolshylarynyń Moldovaǵa qarsy alǵashqy quramy jarııalandy
NUR-SULTAN. QazAqparat - Fýtboldan Qazaqstan quramasy UEFA Ulttar lıgasy ótpeli satysynyń alǵashqy oıynyndaǵy Moldovaǵa qarsy quramyn jarııalady, dep habarlaıdy QazAqparat tilshisi.
Elimizdiń ulttyq quramasynyń bas bapker mindetin atqarýshy Andreı Karpovıch matchtyń alǵashqy mınýttarynda Moldovaǵa qarsy oınaıtyn fýtbolshylardyń esimin jarııalady.
Olardyń qatarynda Shatskıı, Súıimbaev, Álip, Malyı, Marochkın, Bystrov, Nárzildaev, Taǵybergen, Vasılev, Zaınýtdınov, Şetkın bar.
Al Moldova sapynda Namashko, Dýmbravaný, Bolohan, Posmak, Rıabchýk, Revenko, Ionıtse, Ratse, Pletıke, Kaımakov, Nıkolaeský jasyl alańǵa shyǵady.
Aıta ketsek, atalǵan kezdesýde bas tóreshi qyzmetin grekııalyq Anastasıos Sıdıropýlos atqarady. Oǵan otandastary Polıhronıs Kostaras pen Lazaros Dımıtrıadıs kómekshilik jasaıdy.
Eki qurama jarystyń atalǵan satysynda 29 naýryzda taǵy bir márte kezdesedi. Jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.
Qazaqstan jáne Moldova quramalarynyń kezdesýi 24 naýryzda elorda ýaqytymen 23:00-de bastalady. Oıyn «Qazsport» telearnasynan tikeleı efırde kórsetiledi.
