Ulttar lıgasy: Kelesi maýsymda Qazaqstan quramasy qaı komandamen oınaýy múmkin
Qosh bol, S dıvızıony!
Qazaqstan men Belarýs arasyndaǵy match qarsańynda komandalardyń týrnır kestesindegi jaǵdaıy da, aldaǵy perspektıvalary da ártúrli edi: bizdiń fýtbolshylar 10 upaımen top bastap turdy. Belarýs quramasy kerisinshe tórt kezdesýde eki-aq upaı jınap, sońǵy orynda kele jatty.
S lıgasynda qalý úshin olarǵa Astanada qazaqstandyqtardy mindetti túrde jeńý kerek bolǵan.
Aıta ketý kerek, bıylǵy maýsymda Qazaqstan quramasymen teń túsken jalǵyz Belarýs bolatyn. Mınskide komandalar 1:1 esebimen upaı bólisken.
Astanada Belarýs quramasyn jeńip, Qazaqstan fýtbolshylary S-3 tobynda birinshi orynnan túspeıtini belgili boldy. Toptyq týrnırdiń aıaǵyna deıin bir týr qaldy.
Slovakııa men Ázerbaıjan quramalary ekinshi oryn úshin ózara talasady. Sondyqtan ázerbaıjandyqtar Bakýde bizdiń quramadan basym túsý úshin baryn salady.
Magomed Adıev kelesi maýsymǵa daıyndalyp, jetekshi oıynshylarǵa demalys berip, alańǵa qosalqy quramdy shyǵarýy múmkin. Eger Ázerbaıjan quramasy jeńiske jetip jatsa, Slovakııa Bratıslavada Belarýsten basym tússe de, olarǵa jete almaıdy.
Al belarýstar S dıvızıonyndaǵy ózge toptardaǵy aýtsaıderlermen synǵa túsedi. Ol kezdesýlerde jeńilgen komanda D dıvızıonyna túsedi.
Onda Lıhtenshteın, Lıýksembýrg, Malta sekildi elder oınaıdy. Belarýs quramasy - Lıtva, Gıbraltarǵa (ekeýi de óz tobynda sońǵy orynnan kóterilmeıdi) qarsy oınaýy múmkin.
Taǵy bir qarsylas Soltústik Irlandııa men Kosovonyń biri bolady, olar qalǵan oıyndarda úshinshi orynǵa talasady.
V dıvızıonynda Qazaqstannyń qarsylastary kim bolady?
Bıylǵy maýsymda V dıvızıonynda: Shotlandııa, Ýkraına, Irlandııa, Armenııa, Islandııa, Izraıl, Albanııa, Bosnııa, Fınlıandııa, Rýmynııa, Chernogorııa, Shvetsııa, Norvegııa, Serbııa, Slovenııa oınap júr.
Alaıda kelesi maýsymda dıvızıon quramy birshama ózgeredi – Ulttar lıgasynyń formaty osyndaı. Top jeńimpazdary A dıvızıonyna joǵarylaıdy, al toptarynda tórtinshi oryn alǵan komandalar biro saty tómen dıvızıonǵa túsýge májbúr bolady.
Ázirshe qazapqstandyqtarmen birge V dıvızıonyna Túrkııa quramasy da kóteriletini belgili. S dıvızıonynyń qalǵan eki tobynda joǵary lıga joldamasyn Grekııa men Kosovo, sonymen birge Grýzııa, Soltústik Makedonııa men Bolgarııa sarapqa salady.
Osy komandalardyń ishinde ekeýi Qazaqstanmen birge V dıvızıonyna ótedi. Al qazirgi V tobynda kim qalady, kim ketedi degen suraqqa jaýap berý ázirge múmkin emes. Óıtkeni qalǵan eki oıynda kóshbasshylar da, sońǵy oryndaǵy komandalar da ózgerip ketýi múmkin.
Budan bólek V dıvızıonyna A dıvızıonynan óz tobynda sońǵy oryn alǵan tórt komanda túsetinin de esten shyǵarmaý kerek.
Qazirgi tańda tórtinshi orynda Avstrııa, Shveıtsarııa, Anglııa jáne Ýels quramalary kele jatyr. Olardyń ornyn Frantsııa men Polsha da basýy yqtımal.
Biraq alda áli eki match bar, bári ózgerip ketýi múmkin.
Qalaı desek te, Qazaqstan quramasynyń bul jeńisin tarıhı jetistik dep ataýǵa bolady. Birinshiden, Qazaqstan bir týr buryn top jardy.
Ekinshiden, Qazaqstan quramasy alǵash ret Ulttar lıgasynyń V dıvızıonynda óner kórsetedi.
Sonymen qatar keshe bizdiń komanda Belarýs quramasyn alǵash ret jeńdi, buǵan deıin belarýstardy jeńe almaı júrgen. Qazaqstan quramasynyń qarsylasy kim bolsa da bul myqty komandalar bolatyny anyq.
Biraq qorǵanysta jatyp almaı, shabýylǵa shyqqandy táýir kóretin bizdiń quramanyń oıynyna qarap, el fýtbolynyń bolashaǵyna senimmen qaraýǵa bolady.
