Ulttar lıgasy: Qazaqstan men Lıtva teń túsip jatyr
NUR-SULTAN. QazAqparat - Dál qazir UEFA Ulttar lıgasyndaǵy Qazaqstan men Lıtva quramalary arasyndaǵy kezdesýdiń birinshi kezeńi aıaqtaldy, dep habarlaıdy QazAqparat tilshisi.
Birinshi kezeńde eki qurama da jıi shabýylǵa shyqty. Nátıjesinde 38-mınýtta qazaqstandyq shabýylshy Abat Aıymbetov esep ashty. Al 40-mınýtta oǵan lıtvalyq Modestas Vorobevas bir golmen jaýap qaıyrdy. Esep 1:1. Birinshi kezeń osy eseppen aıaqtaldy.
Búgin Qazaqstan quramasy jeńiske jetken jaǵdaıda S lıgasyndaǵy ornyn saqtap qalady. Tórtinshi oryn alǵan qurama aldaǵy ýaqytta D lıgasyna tómendeıdi.
Esterińizge sala ketelik, eki qurama S lıgasy tórtinshi tobynda synǵa túsedi. Olardan ózge Albanııa jáne Belarýs quramalary bar. Sońǵy eki qurama da dál qazir oıyn ótkizip jatyr. Birinshi kezeńnen keıin albanııalyq fýtbolshylar 3:1 esebimen jeńip jatyr.
Budan buryn Qazaqstan quramasy Albanııadan 1:3 esebimen jeńilip qaldy.
