Ulttar lıgasy: Qazaqstan men Latvııa teń túsip jatyr
ASTANA. QazAqparat - Dál qazir fýtboldan Ulttar lıgasy D dıvızıony birinshi tobynda Qazaqstan quramasy syrt alańda Latvııamen kezdesip jatyr.
Atalmysh oıynda bizdiń qurama sapynda Nenad Erıch, Abzal Beısebekov, Evgenıı Postnıkov, Sergeı Malyı, Dmıtrıı Shomko, Islambek Kýat, Baktıer Zaınýtdınov, Baýyrjan Islamhan, Georgıı Jýkov, Roman Mýrtazaev, Alekseı Şetkın syndy jigitter alǵashqy mınýttan jasyl alańǵa shyqty. Al Latvııa sapynda Andrıs Vanın, Vıtalıı Maksımenko, Kaspars Dýbra, Vıtalıı ıAgodınskı, Roberts Savalnıeks, Rıtvars Rýgıns, Vıacheslav Isaev, Ivan Lýkıanov, Artýr Karashaýsks, Valerıı Shabala, Denıs Rakel sekildi fýtbolshylar bizdiń jigitterge qarsy turdy.
Oıyn eki quramanyń alma-kezek shabýylmen órbidi. Dese de Qazaqstan quramasynyń basymdyǵy ańǵarylyp turdy. Esepti bizdiń qurama 16-mınýtta ashty. Ony Baktıer Zaınýtdınov óziniń enshisine jazdy. Al 40-mınýtta latyshtar tarazy basyn teńestirip ketti. Ony Qostanaıdyń «Tobylynda» oınaıtyn latysh fýtbolshysy Artýr Karashaýskıs soǵyp ketti.
Sondaı-aq, dál qazir osy toptaǵy Grýzııa men Andorra quramalary da kezdesýde. Alǵashqy kezeńnen keıin 1:0 esebimen grýzınder alda keledi.
