Ulttar lıgasy: Qazaqstan men Belarýs quramalarynyń kezdesýi qaıda ótedi
NUR-SULTAN. QazAqparat - UEFA Ulttar lıgasynyń ekinshi týrynda Qazaqstan quramasy 7 qyrkúıekte óz alańynda Belaarýsty qabyldaıdy, dep habarlaıdy QazAqparat tilshisi.
Atalǵan kezdesý Almaty qalasynda elorda ýaqytymen 20.00-de bastalady. Oıyn «Qazsport» telearnasynda tikeleı efırde kórsetiledi.
Eki qurama buǵan deıin úsh márte sheberlik baıqasty. Alǵashqyda olardyń joly 2010 jylǵy Eýropa chempıonatyna irikteý satysynda túıisti. 2009 jyldyń 1 sáýirinde Almatyda ótken oıynda qazaqstandyq qurama atalǵan qarsylasyna 1:5 esebimen jol berdi. Al sol jyldyń 10 qazanynda Belarýstyń Brest qalasyndaǵy kezdesýde alań ıeleri Qazaqstan quramasynan 4:0 esebimen basym tústi.
2011 jyldyń 9 aqpanynda eki qurama Túrkııanyń Antalııa qalasynda joldastyq kezdesý ótkizdi. Bul oıynda 1:1 esebi tirkeldi.
UEFA Ulttar lıgasynda qazaqstandyq fýtbolshylar bir oıyn ótkizip úlgerdi. Syrt alańda Lıtvadan 2:0 esebimen basym tústi.
Belarýs quramasy óz alańynda dál osyndaı eseppen Albanııadan súrindi.
Foto: kff.kz
