Ulttar lıgasy: Qazaqstan men Albanııa birinshi kezeńde gol soqqan joq
NUR-SULTAN. QazAqparat - Dál qazir fýtboldan UEFA Ulttar lıgasynda Qazaqstan quramasynyń óz alańyndaǵy Albanııamen kezdesýiniń birinshi kezeńi aıaqtaldy, dep habarlaıdy QazAqparat tilshisi.
Birinshi kezeńde eki qurama da birneshe shabýyl uıymdastyrdy. Degenmen ol múmkindikterdi golǵa aınaldyra alǵan joq. Birinshi kezeń 0:0 esebimen teń aıaqtaldy.
Esterińizge sala ketelik, eki qurama S lıgasy tórtinshi tobynda synǵa túsedi. Olardan ózge Belarýs jáne Lıtva quramalary bar. Týrnır kestesinde barlyǵynyń jaǵdaıy birdeı, úsh-úshten upaıy bar. Sondyqtan búgingi oıynda jeńiske jetken quramalar jaǵdaıyn jaqsarta túsedi.
Qazaqstan men Albanııa quramalary budan buryn 2006 jylǵy álem chempıonaty irikteý kezeńinde ekinshi topta baq synasty. Aldymen 2004 jyldyń 13 aqpanynda Almatyda ótken kezdesýde qazaqstandyq qurama qarsylasyna 0:1 esebimen jol berip qoıdy. Al 2005 jyldyń 9 qyrkúıeginde syrt alańda qazaqstandyqtar 1:2 esebimen jeńildi. Sol ketken eseni Qazaqstan búgin qaıtara ala ma? Ony búgingi oıynnan keıin baǵamdaıtyn bolamyz.
Qazaqstan quramasy budan buryn eki kezdesý ótkizdi. Aldymen 4 qyrkúıekte syrt alańda Lıtvany 2:0 esebimen jeńip, 7 qyrkúıekte óz alańynda Belarýsqa 1:2 esebimen ese jiberdi.