Ulttar lıgasy: Qazaqstan quramasynyń qarsylastary teń tústi
NUR-SULTAN. QazAqparat - Fýtboldan UEFA Ulttar lıgasynda Qazaqstan quramasy synǵa túsetin S lıgasyndaǵy tórtinshi topta taǵy bir kezdesý aıaqtaldy, dep habarlaıdy QazAqparat tilshisi.
Bul oıynda Lıtva men Belarýs quramalary synǵa tústi. Kezdesýde lıtvalyq fýtbolshylar esep ashty. Ony 7-mınýtta Arvıdas Novıkovas óziniń enshisine jazdy.
Ekinshi kezeńde Belarýs quramasy qatarynan eki gol soǵyp ketti. Aldymen 58-mınýtta Vıtalıı Lısakovıch tarazy basyn teńestirse, 66-mınýtta Aleksandr Sachıvko óz quramasyn alǵa şyǵardy. Al 75-mınýtta lıtvalyq Karolıs Laýkjevıs tarazy basyn teńestirdi. Kezdesý 2:2 esebimen teń aıaqtaldy.
S lıgasyndaǵy tórtinshi topta búgin Qazaqstan óz alańynda Albanııamen 0:0 esebimen teń tústi.
Týrnır kestesinde aıtarlyqtaı ózgeris bolǵan joq. Kósh basynda Qazaqstan jáne odan keıingi oryndardaǵy Albanııa, Belarýs, Lıtva quramalarynda tórt-tórtten upaı bar.
Endi 14 qazanda óz alańynda Belarýs Qazaqstan, Lıtva Albanııa quramasyn qabyldaıdy. Ulttar lıgasyndaǵy sońǵy týr 18 qarashada máresine jetedi.
