Ulttar lıgasy: Qazaqstan quramasynyń aldaǵy qarsylastary teń tústi
ASTANA. QazAqparat - 6 qyrkúıekte bastalǵan fýtboldan ÝEFA Ulttar lıgasy týrnırinde Qazaqstan quramasy synǵa túsetin «D» lıgasynyń birinshi tobyndaǵy ekinshi kezdesý de aıaqtaldy. Latvııa óz alańynda Andorra quramasyn qabyldady, dep habarlaıdy QazAqparat tilshisi.
Atalmysh kezdesýde esep ashylǵan joq. Qos qurama osylaısha bir-bir upaıdan aldy.
Esterińizge sala ketelik, Qazaqstan quramasy elordadaǵy «Astana-arena» stadıonynda Grýzııadan 0:2 esebimen jeńilip qaldy.
Sonyń saldarynan bizdiń qurama óz tobynda sońǵy orynda tur. Budan buryn qos qurama tórt márte kezdesken.
ÝEFA-nyń tarapynan bastalǵan jańa týrnırdiń erejesi men talaby boıynsha árbir lıgadaǵy tórt toptyń jeńimpazdary kelesi týrnırde bir lıga joǵarylaıdy.
Bizdiń qurama aldyna óz tobynda birinshi oryn alý mindeti basty maqsat etip qoıylǵan.
Qazaqstan quramasy endigi kezdesýin 10 qyrkúıekte syrt alańda Andorraǵa qarsy ótkizedi. Al bizdiń toptaǵy Grýzııa óz alańynda 9 qyrkúıekte Latvııany qabyldaıdy.
Sondaı-aq, qazir A lıgasynyń birinshi tobyndaǵy Germanııa men Frantsııa arasyndaǵy kezdesýde 0:0 esebi tirkeldi. Al V lıgasy úshinshi toptaǵy Ýels Irlandııadan 4:1 basym tústi. S lıgasyndaǵy Norvegııa Kıprdi 2:0 esebimen jeńse, Slovenııa Bolgarııadan 1:2 esebimen ese jiberdi.
«D» lıgasynyń tórtinshi tobyndaǵy Armenııa Lıhtenshteındi 2:1 esebimen tize búktirse, Gıbraltar Makedenııaǵa 0:2 esebimen jol berdi.
