Ulttar lıgasy: Qazaqstan quramasy Latvııany jeńe ala ma
ASTANA. QazAqparat - Búgin, 13 qazanda fýtboldan Qazaqstan quramasy Ulttar lıgasynda D dıvızıony birinshi tobyndaǵy úshinshi týr oıyndaryn ótkizedi. Bul joly syrt alańda Latvııamen kezdesedi, dep habarlaıdy QazAqparat tilshisi.
Eki qurama buǵan deıin 5 márte jasyl alańda jolyqqan. Jeńiske jetý jóninen ázirge latyshtar alda keledi. Olar bizdiń quramadan 2 márte basym túsken. 2002 jyldyń 17 sáýirinde Latvııanyń Ventspıls qalasynda ótken joldastyq kezdesýde alań ıeleri 2:1 esebimen jeńiske jetti. Bul oıynda bizdiń qurama sapynan Maksım Shevchenko 45-mınýtta esep ashqan edi. Ekinshi kezeńde latyshtar 75-mınýtta penaltıde jáne 89-mınýtta gol soǵyp ketti. Odan keıin qos qurama 2004 jyldyń 18 aqpanynda Kıprdiń Larnaka qalasynda sheberlik baıqasty. Bul joly da Latvııa basym túsip, bizdiń jigitter 1:3 esebimen qarsylasyna ese jiberdi. Bizden 23-mınýtta ıÝrıı Aksenov gol soqqanymen búgingi qarsylastarymyz oǵan úsh doppen jaýap berdi. Sońǵy úsh oıynda Latvııa bizden aılasyn asyra almaı júr. 2012 jyldyń 29 aqpanynda Túrkııanyń Antalıa qalasynda qos qurama 0:0 esebimen teń tússe, dál osy esep 2016 jyldyń Eýropa birinshiligine irikteý kezeńinde A tobyndaǵy 2014 jyldyń 9 qyrkúıeginde Astanada ótken kezdesýde de tirkeldi. Esesine bizdiń jigitter 2015 jyldyń 13 qazanynda syrt alańda olardy 1:0 esebimen tize búktirgen edi.
Ulttar lıgasy oıyndaryn Latvııa sátti bastaı qoıǵan joq. Alǵashqy týrda óz alańynda Andorramen 0:0 esebimen teń túsken olar odan keıin syrt alańda Grýzııadan 0:1 esebimen jeńilip qaldy. Qazaqstan quramasy da dál osyndaı jaǵdaıdy bastan ótkizip otyrǵan jaıy bar. Bizdiń qurama Astanada Grýzııaǵa 0:2 esebimen ese jiberse, odan keıin syrt alańda Andorramen 1:1 esebimen teń tústi.
Qazaqstan quramasy aldynda topta birinshi oryn alý mindeti tur. Bul mindetti olar oryndap shyǵa ala ma? Alda áli tórt oıyn bar. Qalǵan kezdesýlerde jeńilmese keler jyly bir lıgaǵa joǵarylaý múmkindigine ıe bolyp qalýymyz ábden múmkin. Ondaı múmkindikti Latvııa da qur jibergisi kelmeıtini anyq. Sondyqtan búgingi kezdesý tartysqa toly bolady. Búgin osy toptaǵy Grýzııa men Andorra quramalary da ózara sheberlik baıqasady.
Qazaqstan quramasynyń bas bapkeri Stanımır Stoılov Latvııa jáne Andorra quramalaryna qarsy oıynǵa tómendegi fýtbolshylardy shaqyrdy. Qaqpada Nenad Erıch («Astana»), Vladımır Plotnıkov («Qaırat»), Dmıtro Nepogodov («Tobyl») syndy jigitterge senim bildirse, qorǵanysta Sergeı Malyı, Evgenıı Postnıkov, Dmıtrıı Shomko, Abzal Beısebekov, ıÝrıı Logvınenko (barlyǵy - «Astanadan»), Ǵafýrjan Súıimbaev, ıAn Vorogovskıı, Nuraly Álip (úsheýi de - «Qaırattan»), jartylaı qorǵanysta Islambek Qýat, Baýyrjan Islamhan, Magamed Paragýlgov, Georgıı Jýkov (barlyǵy - «Qaırattan»), Baktıer Zaınýtdınov, Serikjan Mýjıkov (ekeýi - «Astanadan»), Dýman Nárzildaev («Qaısar»), Aleksandr Sokolenko («Qaırat»), Maksım Fedın («Tobyl»), shabýylda Alekseı Şetkın, Roman Mýrtazaev (ekeýi - «Astanadan»), Baýyrjan Turysbek («Tobyl»), Erkebulan Seıdahmet («Ýfa», Reseı) syndy jigitter oıyn kórsetedi.
Bul kezdesý Astana ýaqytymen 22:00-de bastalady. Ony Qazsport tikeleı efırde kórsetedi.
