Ulttar lıgasy: Qazaqstan quramasy Belarýsten jeńildi
NUR-SULTAN. QazAqparat - Dál qazir fýtboldan UEFA Ulttar lıgasynda Qazaqstan quramasynyń syrt alańdaǵy Belarýspen kezdesýi aıaqtaldy, dep habarlaıdy QazAqparat tilshisi.
Esterińizge sala ketelik, eki qurama S lıgasy tórtinshi tobynda synǵa túsedi. Olardan ózge Albanııa jáne Lıtva quramalary bar.
Alǵashqy úsh týrda atalǵan toptaǵy tórt qurama birdeı upaı jınady. Sondyqtan tórtinshi týr qaı quramanyń kósh bastaıtynyn anyqtaýǵa múmkindik jasaıtyn. Ony Belarýs pen Qazaqstan fýtbolshylary jaqsy túsinetin.
Sondyqtan oıyn basynan eki qurama birden shabýyl shebine shyqty. Qazaqstandyq fýtbolshylardyń esep ashatyn birneshe múmkindigi bolǵan edi. Degenmen ony paıdalana alǵan joq. Esesine alań ıeleri sapynan Evgenıı ıAblonskıı mergendik tanytty. Al toqsan mınýt túgesiler tusta Belarýs fýtbolshysy Roman ıÝzepchýk qorytyndy esepti belgiledi. Osylaısha alań ıeleri 2:0 esebimen basym tústi.
Esterińizge sala ketelik, qazaqstandyq fýtbolshylar buǵan deıin Belarýs quramasymen tórt márte kezdesti. 2010 jylǵy Eýropa chempıonatyna irikteý satysynda qazaqstandyqtar atalǵan qarsylasyna 1:5, 0:4 esebimen jeńilip qaldy. Odan keıin 2011 jyly joldastyq kezdesýde eki qurama 1:1 esebimen teń tústi. Al bıylǵy Ulttar lıgasynda Qazaqstan quramasy óz alańynda atalǵan qarsylasyna 1:2 esebimen jol berip qoıdy.
